कोथरूड – निखिल लक्ष्मण नाईक, वय 19, रा. श्रावणधारा वसाहत याने बारावीत नापास झाल्यामुळे इमारतीवरून उडी मारून आत्महत्या केली.निखिल हा गरवारे महाविद्यालयामध्ये वाणिज्य शाखेचे शिक्षण घेत होता. बारावीचा ऑनलाईन निकाल लागणार हे समजल्यावर निकालाबाबत तो खुपच उत्सुक होता. दुपारी एकच्या सुमारास ऑनलाईन निकाल पत्रिकेत नापास झाल्याचे समजताच तो इमारतीच्या वरच्या दिशेने जाऊन वरून उडी मारली.
खाली उभ्या असलेल्या शेखर लहू लोणारे, वय 30 यांच्या अंगावर तो पडला.यामध्ये लोणारे गंभीर जखमी झाले आहेत. तर निखिलचा जागीच मृत्यु झाला. लोणारे यांना जवळच्या रुग्णालयामध्ये दाखल करण्यात आले.
क्रिकेटची आवड असलेल्या निखिलने बॉडी बनवण्यासाठी जीम सुरू केली होती. तो शांत स्वभावाचा होता. निखिलचे वडील आचारी तर आई घरकाम करते. निखिलच्या जाण्यामुळे त्याच्या आई वडिलांना मोठा धक्का बसला आहे.