Tata Harrier EV: स्टायलिश लुक, प्रगत फीचर्स आणि दमदार रेंज! टाटा हॅरियर ईव्ही ‘या’ दिवशी होणार लाँच

मुंबई | १८ मे २०२५ — भारतात इलेक्ट्रिक वाहनांची मागणी वेगाने वाढत असून टाटा मोटर्सही या सेगमेंटमध्ये आपली पकड मजबूत करत आहे. याच पार्श्वभूमीवर, टाटाने यंदाच्या इंडिया मोबिलिटी ग्लोबल एक्स्पो २०२५ मध्ये आपली आगामी इलेक्ट्रिक एसयूव्ही हॅरियर ईव्हीचे प्रदर्शन केले आहे. मीडिया रिपोर्ट्सनुसार, ही एसयूव्ही ३ जून रोजी भारतीय बाजारात लाँच होण्याची शक्यता आहे.

ही कार ह्युंदाईच्या क्रेटा ईव्हीला थेट टक्कर देईल अशी अपेक्षा आहे. टाटाची ही नवीन SUV त्याच्या आकर्षक डिझाइन, प्रगत तंत्रज्ञान आणि लांब ड्रायव्हिंग रेंजमुळे ग्राहकांचे लक्ष वेधण्याची शक्यता आहे.

७५ kWh बॅटरी आणि ५००+ किमी रेंज

हॅरियर ईव्हीमध्ये ७५ किलोवॅट-तास क्षमतेची लिथियम-आयन बॅटरी देण्यात येणार असून ती एका चार्जमध्ये ५०० किलोमीटरपेक्षा अधिक रेंज प्रदान करू शकेल. यामध्ये फास्ट चार्जिंग सपोर्ट देखील असेल. या ईव्हीमध्ये ड्युअल-मोटर ऑल-व्हील ड्राइव्ह (AWD) प्रणाली दिली जाणार असून, दोन्ही अ‍ॅक्सल्सवर स्वतंत्र मोटर्स बसवण्यात येणार आहेत.

ही कार शहरातील दैनंदिन वापरापासून ते लांब पल्ल्याच्या प्रवासासाठी उपयुक्त ठरेल. हॅरियर ईव्ही ही टाटाच्या D8 प्लॅटफॉर्मवर आधारित आहे आणि यामध्ये १९-इंच अलॉय व्हील्स दिले जातील.

स्पोर्टी डिझाइन आणि प्रगत वैशिष्ट्ये

हॅरियर ईव्हीचा डिझाइन लूक अगदी स्पोर्टी आणि आधुनिक असून, यामध्ये बंद फ्रंट ग्रिल, धाडसी बंपर डिझाइन आणि उभ्या स्लॅट्स हे डिझाइन हायलाइट्स आहेत. चांगल्या राइडिंगसाठी मल्टी-लिंक सस्पेंशन सेटअप देखील देण्यात आला आहे.

या ईव्हीमध्ये पुढील प्रगत वैशिष्ट्ये मिळणार आहेत:

• १२.३-इंचाचा टचस्क्रीन इन्फोटेनमेंट सिस्टम

• १०.२५-इंचाचा डिजिटल ड्रायव्हर डिस्प्ले

• ड्युअल-झोन क्लायमेट कंट्रोल

• कनेक्टेड कार टेक्नॉलॉजी

• ADAS L2+ सेफ्टी सिस्टिम

सुरक्षा आणि आरामाची विशेष काळजी

सुरक्षेसाठी हॅरियर ईव्हीमध्ये पुढील सुविधा असतील:

• ६ एअरबॅग्ज

• अँटी-लॉक ब्रेकिंग सिस्टम (ABS)

• ब्रेक असिस्ट

• इलेक्ट्रॉनिक स्टॅबिलिटी कंट्रोल (ESC)

• ३६० डिग्री कॅमेरा

• ऑटो होल्ड

याशिवाय, ड्रायव्हर साठी हवेशीर फ्रंट सीट्स, मेमरी फंक्शन, तर प्रवाशासाठी ४-वे पॉवर अ‍ॅडजस्टमेंट दिले जाईल.

सध्या कंपनीकडून अधिकृत किंमतीची घोषणा करण्यात आलेली नाही. मात्र, हॅरियर ईव्हीची एक्स-शोरूम किंमत सुमारे ₹१८ लाखांपासून सुरू होण्याची शक्यता आहे. या श्रेणीत ती ह्युंदाई क्रेटा ईव्हीला थेट टक्कर देणार आहे, ज्याची किंमतही ₹१८ लाखांपासून सुरू होते.