Video: शिंदे-भाजप सरकारच्या विरोधात महाविकास आघाडीचा ‘हल्ला बोल’, महामोर्चाला तुफान गर्दी
महाविकास आघाडीने (MVA) मुंबईत काढलेल्या निषेध मोर्चात शिवसेना नेते उद्धव ठाकरे आणि राष्ट्रवादीचे नेते अजित पवार सामील झाले. या मोर्चात दोन्ही नेत्यांसह त्यांचे हजारो समर्थक, नेते, कार्यकर्तेही सहभागी झाले आहेत. छत्रपती शिवाजी महाराजांवरील वादग्रस्त वक्तव्याबद्दल महाविकास आघाडी राज्य सरकार आणि राज्यपाल कोश्यारी यांच्या विरोधात निषेध मोर्चा काढत आहे.
MVA का विरोध करत आहे
शिवसेना, राष्ट्रवादी काँग्रेस आणि काँग्रेसच्या नेत्यांच्या म्हणण्यानुसार आम्ही छत्रपती शिवाजी महाराज आणि महात्मा ज्योतिबा फुले यांच्या अपमानाचा निषेध करत आहोत. याशिवाय अन्य कारणांमध्ये कर्नाटकच्या सीमाभागातील मराठी भाषिकांवर होणारे अत्याचार, राज्याबाहेर होणारे औद्योगिक प्रकल्प आणि महाराष्ट्रावर होणारा अन्याय यांचा समावेश आहे. राष्ट्रवादी काँग्रेसचे अध्यक्ष शरद पवार आज MVA च्या ‘हल्ला बोल’ मोर्चात सामील होण्याची शक्यता आहे. त्यानंतर ते एका सभेला संबोधित करतील. काँग्रेसचे प्रदेशाध्यक्ष नाना पटोले म्हणाले, या आंदोलनातून एकनाथ शिंदे यांच्या नेतृत्वाखालील शिवसेना गट आणि भाजप सरकारविरोधातील जनतेचा रोष दिसून येईल.
#WATCH | Shiv Sena leader Uddhav Thackeray and NCP leader Ajit Pawar join protest march by Maharashtra Vikas Aghadi (MVA) in Mumbai against the state government and Governor BS Koshyari over his controversial remark on Chhatrapati Shivaji Maharaj pic.twitter.com/iIFUtNiZPj
— ANI (@ANI) December 17, 2022