Vande Bharat Express: दोन दिवसांत दुसऱ्यांदा मंगळवारी हावडा-न्यू जलपाईगुडी (NJP) वंदे भारत एक्सप्रेसवर दगडफेक करण्यात आली आहे. गाडी एनजेपी यार्डकडे येत असताना ही घटना घडली. ट्रेनच्या सी-3 आणि सी-6 डब्यांच्या काचा फुटल्या. याआधी सोमवारी पश्चिम बंगालच्या मालदा जिल्ह्यात वंदे भारत एक्सप्रेसवर दगडफेक करण्यात आली होती. दगडफेकीच्या घटनेनंतर भाजपने एनआयए चौकशीची मागणी केली होती.
विरोधी पक्षनेते शुभेंदू अधिकारी यांनी ट्विट केले की, पश्चिम बंगालच्या मालदा जिल्ह्यात भारताची शान वंदे भारत एक्सप्रेसवर दगडफेक करण्यात आली. उद्घाटनाच्या दिवशी ‘जय श्री राम’च्या घोषणांचा हा बदला आहे का?
शुभेंदू यांनी लिहिले की, मी @PMOIndia आणि @RailMinIndia यांना विनंती करतो की त्यांनी तपास @NIA_India कडे सोपवावा आणि दोषींना शिक्षा द्यावी.