ODI World Cup: दक्षिण आफ्रिकेने केला मोठा पराक्रम, तोडला विश्वचषक इतिहासातील सर्वोच्च धावसंख्येचा विक्रम
एकदिवसीय विश्वचषक 2023 मध्ये तिसऱ्या दिवशी श्रीलंकेचा सामना दक्षिण आफ्रिकेच्या संघाशी होत आहे. या सामन्यात दक्षिण आफ्रिकेच्या संघाने प्रथम फलंदाजी करत एक मोठा विश्वविक्रम केला आहे. या सामन्यात दक्षिण आफ्रिकेच्या संघाने 428 धावा केल्या. यापेक्षा मोठी धावसंख्या विश्वचषकाच्या इतिहासात कधीही बनलेली नाही. या सामन्यात दक्षिण आफ्रिकेच्या तीन फलंदाजांनीही शतके झळकावली.
या सामन्यात दक्षिण आफ्रिकेच्या संघाने विश्वचषकाच्या इतिहासातील सर्वोच्च धावसंख्येचा विक्रम मोडीत काढला आहे. दक्षिण आफ्रिकेच्या संघाने श्रीलंकेविरुद्ध केवळ 5 विकेट्स गमावून 428 धावा केल्या. दक्षिण आफ्रिकेसाठी या सामन्यात क्विंटन डी कॉकने 100 धावा, रॅसी व्हॅन डर डुसेनने 108 धावा आणि कर्णधार मार्करामने 106 धावा केल्या. मार्करामची ही खेळी विश्वचषकाच्या इतिहासातील सर्वात वेगवान शतक (49) देखील आहे. याशिवाय हेनरिक क्लासेनने 32 धावांची नाबाद खेळी तर डेव्हिड मिलरने 39 धावांची नाबाद खेळी खेळली.
THE HIGHEST TEAM SCORE IN AN ODI WORLD CUP 🥇
South Africa hit the accelerator and never let go 🔥 https://t.co/iOYLV0LUT6 #SAvSL #CWC23 pic.twitter.com/QYBT3Y5qhb
— ESPNcricinfo (@ESPNcricinfo) October 7, 2023
एकदिवसीय विश्वचषकात सर्वाधिक धावा करणारे संघ
- दक्षिण आफ्रिका 428/5 वि श्रीलंका, दिल्ली,2023
- ऑस्ट्रेलिया 417/7 वि अफगाणिस्तान, पर्थ,2015
- भारत 413/5 वि बर्म्युडा, पोर्ट ऑफ स्पेन, 2007
- दक्षिण आफ्रिका 411/4वि आयर्लंड, कॅनबेरा,2015
- दक्षिण आफ्रिका 408/5 वि वेस्ट इंडीज, सिडनी, 2015
- श्रीलंका 398/5 वि केनिया, कॅंडी, 1996
- इंग्लंड 397/6 वि अफगाणिस्तान, मँचेस्टर, 2019
दक्षिण आफ्रिकेच्या संघाने या विश्वचषकात 400 धावांचा टप्पा गाठणारा पहिला विक्रमही केला आहे. त्याच वेळी, दक्षिण आफ्रिकेचा संघ विश्वचषक इतिहासातील पहिला संघ बनला आहे ज्याच्या तीन फलंदाजांनी एकाच सामन्यात शतके झळकावली आहेत. याशिवाय, दक्षिण आफ्रिकेच्या तीन फलंदाजांनी एकाच डावात 3 शतके ठोकण्याची एकूण ही तिसरी वेळ आहे.