सातारा – सियाचीन (Siachen Glacier) येथे -39°सेल्सिअसमध्ये ऑपरेशन मेघदुत हे बजावत असताना जवान विपुल इंगवले यांची तब्येत बिघडली होती. त्यामुळे त्यांना रुग्णालयामध्ये दाखल करण्यात आले होते. पुणे येथील कमांड हॉस्पिटल मध्ये मागील एक वर्षापासून सुरू जवान इंगवले यांच्यावर उपचार सुरू होते.मात्र, उपचारादरम्यान जवान इंगवले यांची प्राणज्योत मालवली. जवान विपुल इंगवले यांच्या निधनाची वार्ता कळताच त्यांचा गावात शोककळा पसरली आहे.
सुरुवातीला त्यांच्यावर दिल्ली येथे शस्त्रक्रिया करण्यात आली. तेथे प्रकृतीमध्ये सुधारणा झाल्यावर त्यांना भोसे येथे काही दिवस आणले होते. मात्र, तेथे पुन्हा प्रकृती बिघडू लागल्यामुळे त्यांना पाच ते सहा महिन्यांपूर्वी भारतीय सैन्यदलाच्या पुणे येथील कमांड हॉस्पिटलमधे उपचारार्थ दाखल केले होते. तेथे उपचार सुरू असताना आज सकाळी त्यांना वीरमरण आले. त्यांच्या मागे पत्नी, नऊ महिन्यांची मुलगी, आई-वडील, दोन बहिणी व भाऊ असा परिवार आहे.