Sky Cruise Flying Hotel : हवेत तरंगणारं हॉटेल पाहिलात का? स्वीमिंग पूलसह शॉपिंग मॉलचीही सुविधा, पाहा व्हिडिओ

Sky Cruise Flying Hotel : तुम्ही आतापर्यंत थ्री स्टार आणि फाईव्ह स्टार हॉटेलबद्दल ऐकलं असेल, पण कधी फ्लाईंग हॉटेलबाबत (Flying Hotel) ऐकलं नसेल. आज आम्ही तुम्हाला हवेत उडणाऱ्या हॉटेलबद्दल सांगत आहोत. एका इंजिनियरच्या कल्पनेने या हॉटेलची संकल्पना आखली आहे. या हॉटेलमध्ये सुमारे 5000 प्रवाशांनी आकाशाची सहल करता येणार आहे. एवढेच नव्हे तर या हॉटेलमध्ये राहण्या- खाण्याच्या सोयीसह स्वीमिंग पूल, जिम आणि शॉपिंग मॉलही असणार आहेत. फ्लाईंग हॉटेलचे नाव ‘स्काय क्रूझ’ (Sky Cruise) आहे. हे फ्लाईंग हॉटोल एखाद्या विशाल जहाज प्रमाणे दिसतं.

खरंतर हे फ्लाईंग हॉटेल अद्याप अस्तित्वात नाही. एका इंजिनियरने या फ्लाईंग हॉटेलची कल्पना केली आणि ती व्हिडीओमध्ये उतरवण्याचं काम एका कलाकाराने केलं आहे. इंजिनीयर हाशिम अल-घैली याने आपल्या यूट्यूब चॅनलवर भविष्यातील फ्लाईंग हॉटेलचा व्हिडीओ शेअर केला आहे. हे हॉटेल सध्या केवळ काल्पनिक आहे. या कल्पनेला ग्राफ्रिक्स आणि अॅनिमेशन च्या मदतीने व्हिडीओचं रुप देण्यात आलं आहे. पण ही कल्पना भविष्यात सत्यात उतरण्याची शक्यताही दाट आहे.

आर्टिफिशियल इंडिलिजेंस असलेल्या या काल्पनिक हॉटेलमध्ये 20 इंजिन असणार आहेत. एकदा आकाशात उड्डाण केल्यानंतर या विमानाला जमिनीवर उतरण्याचीही गरज भासणार नाही, कारण हे अनेक महिने हवेत उडत राहिल. यामधून सुमारे पाच हजार जणांना हवाई सफर करता येईल.