शुभमन गिल हा सध्या भारतीय संघातील असा खेळाडू आहे, ज्याची सर्वत्र चर्चा होत आहे. त्याचे कारण आहे त्याची चमकदार कामगिरी. त्याने टीम इंडियासाठी सातत्याने चांगली कामगिरी केली आहे. अनेकदा तुम्हाला असे प्रश्न विचारले जातात, ज्याचे उत्तर तुम्हाला द्यायला आवडत नाही किंवा तुम्हाला उत्तर माहीत नसते. असाच काहीसा प्रकार शुभमन गिलच्या बाबतीत घडला, जेव्हा त्याला असाच प्रश्न विचारण्यात आला.
स्टार स्पोर्ट्सवर शुभमन गिलला विचारण्यात आले की सचिन तेंडुलकर आणि विराट कोहली यांच्यामध्ये तुझा आवडता फलंदाज कोण आहे? सुरुवातीला तो थोडासा संकोचला. पण नंतर त्याने प्रामाणिकपणे उत्तर दिले आणि म्हणाला, “मी यासाठी विराट भाईची निवड करेन. कारण सचिन सरांना पाहून मी खेळायला सुरुवात केली आणि ते निवृत्त झाले तेव्हा मी खूप लहान होतो. त्यामुळे मला विराट कोहलीसोबत जायला आवडेल. कारण मी त्याच्याकडून फलंदाज म्हणून काहीतरी शिकलो आहे.
शुभमन गिलने न्यूझीलंडविरुद्धच्या पहिल्या एकदिवसीय सामन्यात 208 धावांची धडाकेबाज खेळी केली. तो द्विशतक झळकावणाऱ्या फलंदाजांच्या यादीत सामील झाला. दुसऱ्या वनडेत त्याला जास्त धावा करता आल्या नाहीत. पण तिसऱ्या वनडेत गिलने पुन्हा एकदा न्यूझीलंडविरुद्ध शतक झळकावले. या तीन डावांसह गिलने केवळ 3 सामन्यात 180 च्या सरासरीने 360 धावा केल्या होत्या.