बांगलादेशी क्रिकेट चाहत्यांना मोठा धक्का बसला आहे. बांगलादेशची ऑफ स्पिनर शोहेली अख्तर ही भ्रष्टाचाराच्या आरोपाखाली बंदी घातलेली पहिली महिला क्रिकेटपटू ठरली आहे. दोन एकदिवसीय आणि १३ टी-२० सामने खेळलेल्या अख्तरला फिक्सिंगचा प्रयत्न करणे, लाच देणे आणि आयसीसीच्या भ्रष्टाचार विरोधी संहिता (एसीयू) ला संपर्कांची संपूर्ण माहिती न देणे तसेच तपासात अडथळा आणणे या आरोपाखाली दोषी आढळले.
भ्रष्टाचार विरोधी संहितेच्या पाच तरतुदींचे उल्लंघन केल्याची कबुली दिल्यानंतर तिला पाच वर्षांसाठी सर्व प्रकारच्या क्रिकेट फॅारमॅटमधून बंदी घालण्यात आली आहे.
Bangladesh’s Shohely Akhter has been handed a five-year ban by the ICC for breaching anti-corruption guidelines during the 2023 T20 World Cup.
Details: https://t.co/2YMNxXcUgJ pic.twitter.com/6xVySNmt2V
— Cricbuzz (@cricbuzz) February 11, 2025
२०२३ च्या महिला टी२० विश्वचषकादरम्यान तिच्यावर फिक्सिंगचा आरोप होता. ३६ वर्षीय अख्तर त्या विश्वचषकात बांगलादेशच्या संघाचा भाग नव्हती, तिने शेवटचा सामना ऑक्टोबर २०२२ मध्ये खेळला होता. एसीयूच्या तपासात १४ फेब्रुवारी २०२३ रोजी शोहेलीने फेसबुक मेसेंजरवर क्रिकेटपटूशी केलेल्या संभाषणाचा तपास केला. तो दिवस बांगलादेश आणि ऑस्ट्रेलिया यांच्यातील टी-२० विश्वचषक सामन्याचा होता.
Bangladesh women’s cricketer Shohely Akhter has been handed a five-year ban for fixing charges during the 2023 Women’s T20 World Cup in South Africa.
Shohely Akhter has become the first female cricketer to be banned for corruption. pic.twitter.com/FmDrszU57s
— CricTracker (@Cricketracker) February 11, 2025
तिने सामन्यादरम्यान हिट विकेट काढण्यासाठी खेळाडूला २ दशलक्ष बांगलादेशी टाका (अंदाजे १६,४०० अमेरिकन डॉलर्स) देऊ केले. अख्तरने संपर्क साधलेल्या खेळाडूने ताबडतोब एसीयूला ही बाब कळवली आणि शोहेलीला सर्व व्हॉइस नोट्स दिल्या, ज्याने त्याच्या डिव्हाइसमधून त्या फायली डिलीट केल्या. २०१३ मध्ये पदार्पण केल्यापासून तिने बांगलादेशसाठी दोन एकदिवसीय आणि १३ टी-२० सामने खेळले आहेत.
अख्तरवर सर्व प्रकारच्या क्रिकेट फॅारमॅटमधून पाच वर्षांची बंदी १० फेब्रुवारी २०२५ पासून लागू होईल. तिने आपल्या कारकिर्दीत बांगलादेशचे प्रतिनिधित्व दोन एकदिवसीय आणि १३ टी-२० सामन्यांमध्ये केले आणि ११ विकेट्स घेतल्या. तिने तिचा शेवटचा आंतरराष्ट्रीय सामना २०२२ च्या महिला आशिया कपमध्ये १० ऑक्टोबर रोजी सिल्हेट आंतरराष्ट्रीय स्टेडियमवर श्रीलंकेविरुद्ध खेळला.