‘रोहित शर्मा थकला असेल’, हार्दिकला मुंबईचा कर्णधार बनवण्यावर सुनील गावस्करांच धक्कादायक विधान

मुंबई इंडियन्स ही आयपीएलमधील सर्वात यशस्वी फ्रँचायझींपैकी एक आहे. रोहित शर्माच्या नेतृत्वाखाली मुंबईने पाच वेळा आयपीएल ट्रॉफी जिंकली आहे. पण मुंबईचा संघ 2021 नंतर विजेतेपद मिळवू शकला नाही आणि 2022 मध्ये शेवटच्या स्थानावर होता. आयपीएल 2024 च्या आधी मुंबई इंडियन्सने रोहितच्या जागी हार्दिक पांड्याला संघाचा कर्णधार बनवले होते. आता सुनील गावस्कर यांनी हार्दिकला कर्णधार बनवण्याबाबत मोठे वक्तव्य केले आहे.

संघाच्या हितासाठी हा निर्णय घेण्यात आला आहे

सुनील गावस्कर यांनी स्टार स्पोर्ट्सला सांगितले की, आम्हाला हार्दिकला मुंबई इंडियन्सचा कर्णधार बनवणे योग्य की अयोग्य हे पाहण्याची गरज नाही. संघाच्या हितासाठी त्यांनी हा निर्णय घेतला आहे. फलंदाजीतही रोहितचे योगदान थोडे कमी झाले आहे, असे आपण म्हणू शकतो. याआधी रोहित फलंदाजीत खूप योगदान देत असे पण गेल्या काही वर्षांत तो नवव्या किंवा दहाव्या क्रमांकावर आहे. गेल्या वेळी त्यांनी प्लेऑफमध्ये मजल मारली होती, पण मुंबई इंडियन्समध्ये पूर्वीसारखा उत्साह दिसत नव्हता.

गावस्कर म्हणाले की, रोहित सतत क्रिकेट खेळत असल्यामुळे कदाचित तो थकला असावा. हार्दिकच्या नेतृत्वाखाली गुजरात टायटन्सने 2022 मध्ये पदार्पणाच्या हंगामात विजेतेपद पटकावले होते, तर या वर्षी हा संघ उपविजेता होता. हार्दिकने गुजरात संघासोबत स्वत:ला सिद्ध केले असून मुंबई इंडियन्समध्ये पुनरागमन केल्याने संघात नव्या विचारांची भर पडेल, असा विश्वास गावस्कर यांनी व्यक्त केला.

कर्णधारपदाच्या बाबतीत हार्दिक पांड्या हा युवा खेळाडू आहे. गुजरात टायटन्सला दोनदा फायनलमध्ये नेऊन आणि एकदा विजेतेपद मिळवून त्याने स्वत:ला सिद्ध केले आहे. या विचाराने त्यांनी त्याला कर्णधार बनवले आहे, कारण कधी-कधी तुम्हाला नव्या विचाराची गरज असते आणि तो संघात नव्या विचारांची भर घालू शकतो. मला असे वाटते की जो काही निर्णय घेतला गेला त्याचा फायदा मुंबई इंडियन्सला होईल आणि नुकसान होणार नाही.