सेनेला महाराष्ट्राबाहेर मिळाला पहिला खासदार, दादरा नगर हवेलीत फडकला भगवा
नवी दिल्ली – शिवसेनेने दादरा आणि नगर हवेली या केंद्रशासित प्रदेशात आपले खाते उघडले असून येथून सेनेला महाराष्ट्राबाहेरील आपला पहिला खासदार मिळाला आहे. दादरा आणि नगर हवेलीतून सातवेळा खासदार राहिलेल्या मोहन डेलकर यांच्या पत्नी कलाबेन डेलकर या पोटनिवडणुकीत ५१ हजार मतांनी विजयी झाल्या आहेत.
३० ऑक्टोबरला दादरा नगर हवेलीत लोकसभा पोटनिवडणूक झाली होती, या निवडणुकीत कलाबेन डेलकर या शिवसेनेकडून उभ्या राहिल्या होत्या. त्यांनी या निवडणुकीत त्यांनी भाजपचे महेश गावित यांचा पराभव केला.
कलावती डेलकर यांच्या विजयाने शिवसेनेला महाराष्ट्राबाहेर आपला पहिला खासदारही मिळाला आहे. शिवसेनेने महाराष्ट्राबाहेर लोकसभा निवडणूक जिंकण्याची ही पहिलीच वेळ आहे.
या विजयानंतर आदित्य ठाकरे यांनी एक ट्वीट केलं असून यात ते म्हणाले की, ‘दादरा नगर हवेलीत आज भगवा फडकला. लोकसभा पोटनिवडणुकीत श्रीमती कलाबेन डेलकर जी यांचा विजय निश्चितच एका नव्या विकास पर्वाची नांदी आहे. अन्याय आणि हुकूमशाही विरुद्ध जनतेने दिलेला हा कौल असून आता जनतेच्या हितासाठी दिल्लीत शिवसेनेचा आवाज आणखी बुलंद होईल, हा विश्वास आहे.’
दादरा नगर हवेलीत आज भगवा फडकला. लोकसभा पोटनिवडणुकीत श्रीमती कलाबेन डेलकर जी यांचा विजय निश्चितच एका नव्या विकास पर्वाची नांदी आहे. अन्याय आणि हुकूमशाही विरुद्ध जनतेने दिलेला हा कौल असून आता जनतेच्या हितासाठी दिल्लीत शिवसेनेचा आवाज आणखी बुलंद होईल, हा विश्वास आहे. pic.twitter.com/p5L4djBkpl
— Aaditya Thackeray (@AUThackeray) November 2, 2021
आदित्य ठाकरेसह राष्ट्रवादीचे आमदार रोहित पवार यांनीही कलाबेन यांचं ट्वीट करत अभिनंदन केले आहे.
दादरा-नगर-हवेली लोकसभा पोटनिवडणुकीत विजयी झाल्याबद्दल शिवसेनेच्या उमेदवार कलाबेन डेलकर यांचंही मनःपूर्वक अभिनंदन! हा विजय म्हणजे भाजपच्या दडपशाहीच्या राजकारणाला मिळालेलं सणसणीत उत्तर तर आहेच पण देशातील परिवर्तनाची नांदीही आहे. pic.twitter.com/tqSsACH8Yj
— Rohit Pawar (@RRPSpeaks) November 2, 2021