मला गाडता गाडता स्वतःच गाडले गेले…..

सिंधुदुर्ग – शिवसेनेचे नेते सतिश सावंत Satish Sawant यांनी एक फोटो शेअर करत भाजप आमदार नितेश राणे BJP MLA Nitesh Rane यांच्यावर जहरी टीका केली आहे. तसेच हा फोटो शेअर करत सतिश सावंत यांनी नितेश राणेंनी सिंधुदुर्ग जिल्हा मध्यवर्ती बँकेच्या निकालानंतर केलेल्या एका पोस्टला जशास तसे उत्तर दिले आहे.

सिंधुदुर्ग जिल्हा मध्यवर्ती बँकेच्या भाजपने विजय मिळवल्यानंतर भाजप आमदार नितेश राणे यांनी महाविकास आघाडीचे पॅनेलप्रमुख सतिश सावंतांचा एक फोटो शेअर करत ‘गाडलाच’ असा कॅप्शन देत त्यांची खिल्ली उडवली होती.

संतोष परब हल्लाप्रकरणात नितेश राणेंना जेल होताच शिवसेनेच्या सतिश सावंत यांनी नितेश राणेचा एक फोटो शेअर करत ‘मला गाडता गाडता स्वतःच गाडले गेले…..’या कॅप्शनसह एक फोटो शेअर करत चोख प्रत्यूत्तर दिलं आहे.

सिंधुदुर्ग जिल्हा बँकेच्या Sindhudurg Bank निवडणुकीत भाजपनं निर्विवाद वर्चस्व मिळवलं होतं. बँकेच्या एकूण १९ जागांपैकी ११ जागा केंद्रीय मंत्री नारायण राणेंच्या भाजपप्रणीत सिद्धिविनायक पॅनेलनं काबिज केल्या. तर महाविकास आघाडीच्या सहकार समृद्धी पॅनेलला ८ जागांवर समाधान मानावं लागलं. बँकेचे विद्यमान अध्यक्ष असताना सतीश सावंत यांचा भाजपच्या विठ्ठल देसाईंनी पराभव केला होता.

२०१९ साली राणेंचा हात सोडून सतिश सावंत शिवसेनेत दाखल झाले होते. तेव्हापासून सावंत विरुद्ध राणे असा संघर्ष सिंधुदुर्ग जिल्ह्यात निर्माण झाला आहे.

हेही वाचा 

24 तासांत 919 पुरुषांसोबत शारीरिक संबंध ठेवत लिसा स्पार्कने रचला विचित्र विक्रम

जगातील सर्वात उंच इमारतीवर चढली ‘ही’ महिला, धोकादायक स्टंट पाहून लोक झाले अवाक