Sanjay Raut On Eknath Shinde: ”तुझी दाढी दिल्लीच्या हातात..”, संजय राऊत यांची मुख्यमंत्र्यांवर जोरदार टीका

0
WhatsApp Group

माझ्या नादाला लागू नका, मला आडवे आलात तर मी कोणालाही सोडत नाही.  या दाढीने जर काही काडी फिरवली तर तुमची उरली-सुरली लंकासुद्धा जळून खाक होईल, असा जाहीर इशारा मुख्यमंत्री एकनाथ शिंदे यांनी विरोधकांना दिला. त्यांच्या या इशाऱ्यावर ठाकरे गटाचे संजय राऊत यांनी उत्तर दिलं आहे.

“मुस्लिम नेते, कार्यकर्ते आम्हाला येऊन सांगत आहेत, आम्ही तुमच्यासोबत आहोत. आमच हिंदुत्व हे घरात चूल पेटवणार हिंदुत्व आहे, भाजपाच हिंदूत्व हे घर जाळणार हिंदूत्व आहे. देशात जाती-धर्माच्या आधारावर नाही, तर रामासोबत कामही मिळाल पाहिजे. रोजगाराची चूल पेटली पाहिजे. आम्ही या देशाचा पाकिस्तान-इराण होऊ देणार नाही” असं खासदार संजय राऊत म्हणाले. “देशात भाजपाशिवाय दुसरा कुठला पक्ष राहू नये, या दिशेने निवडणूक आयोग काम करतोय” असं संजय राऊत म्हणाले. ‘दाढीने काडी केली, तर तुमची लंका जळून जाईल’ असं काल मुख्यमंत्री एकनाथ शिंदे म्हणाले. त्यावर संजय राऊत म्हणाले की, “लंका त्यांचीच आहे, आम्ही हुनमान आहोत. लंका रावणाची जळते.

दाढी रावणाला होती, रामाला नाही. हे समजून घेण्यासाठी एकनाथ शिंदे यांना रामायण, महाभारात वाचाव लागेल” यशवंतराव चव्हाणांपासून महाराष्ट्राला सुस्कृंत मुख्यमंत्री मिळाले आहेत. साहित्य, कला, काव्य यामध्ये ते रमायचे असं संजय राऊत म्हणाले.

“कोणाच काय जळतय हे लवकरच कळेल. मुळात दिल्लीची लंका जळतेय. तम्ही जिथे गेलाय, त्यांचीच लंका जळणार. विचार चोरुन मिळत नसतात. सध्या चोरटे, भामटे यांच राज्य आहे. डायलॉगबाजी सांगू नका. आम्ही बाळासाहेबांच्या तालिमीत तयार झालो आहोत. त्यामुळे आम्हाला डायलॉग येतात” असं संजय राऊत म्हणाले. “तुझी दाढी दिल्लीच्या हातात आहे. दिल्लीला वाटेल, तेव्हा दाढी खेचून तुला बोलवतात. रावणाची लंका होती. महाराष्ट्रात पंचवटीला रामाच वास्तव्य होतं. तुझ्या दाढीला आग लावणार” असं संजय राऊत म्हणाले.