Asia Cup 2022: रोहित शर्मा मोडू शकतो धोनीचा मोठा विक्रम, ‘असा’ कारनामा करणारा बनू शकतो पहिला कर्णधार

27 ऑगस्टपासून UAE मध्ये सुरु होणाऱ्या आशिया कप 2022 मध्ये यावेळी अनेक विक्रम मोडले जाऊ शकतात. भारतीय कर्णधार रोहित शर्माला या स्पर्धेत इतिहास रचण्याची संधी असेल. रोहितच्या नेतृत्वाखाली टीम इंडियाची नजर सलग तिसऱ्यांदा विजेतेपदावर असणार आहे. भारतीय संघाला 28 ऑगस्ट रोजी दुबई इंटरनॅशनल स्टेडियमवर पाकिस्तानविरुद्धच्या सामन्याने स्पर्धेतील विजेतेपद वाचवण्याच्या मोहिमेची सुरुवात करायची आहे. यावेळी रोहितला कर्णधार म्हणून नवा विक्रम करण्याची संधी असेल. त्याला माजी कर्णधार महेंद्रसिंग धोनीचाही विक्रम मोडण्याची संधी असेल.

आशिया चषकाच्या कोणत्याही एका आवृत्तीत कर्णधार म्हणून सर्वाधिक धावा करण्याचा विक्रम धोनीच्या नावावर आहे. 2008 च्या स्पर्धेत माहीने पाच डावात 327 धावा केल्या होत्या. त्याच वेळी, रोहितने 2018 मध्ये पाच डावात 317 धावा केल्या होत्या. जर रोहितने 2022 मध्ये धोनीपेक्षा जास्त धावा केल्या तर तो आशिया कपच्या कोणत्याही एका आवृत्तीत सर्वाधिक धावा करणारा खेळाडू बनेल.

रोहितनंतर या यादीत श्रीलंकेचा अर्जुन रणतुंगा आहे, ज्याने 1997 मध्ये चार डावांत 272 धावा केल्या होत्या. त्याच्याशिवाय पाकिस्तानच्या शाहिद आफ्रिदीने 2010 मध्ये तीन डावात 265 धावा केल्या होत्या आणि भारताचा माजी कर्णधार सौरव गांगुलीने 2004 मध्ये सहा डावात 244 धावा केल्या होत्या.