महाराष्ट्र आणि उत्तर प्रदेश यांच्यातील विजय हजारे ट्रॉफी 2022 च्या उपांत्यपूर्व फेरीच्या सामन्यात ऋतुराज गायकवाडने नवा इतिहास रचला आहे. अहमदाबादच्या नरेंद्र मोदी स्टेडियमवर खेळल्या जात असलेल्या या सामन्यात गायकवाडने उत्तर प्रदेशविरुद्ध एका षटकात सलग 7 षटकार ठोकत विश्वविक्रम केला आहे. या सामन्यात ऋतुराज गायकवाडने द्विशतक ठोकले. त्याने षटकार आणि चौकारांचा पाऊस पाडत संघासाठी 200 हून अधिक धावा केल्या आहेत. 49 व्या षटकात गायकवाडने शिवा सिंगला एका षटकात सलग 7 षटकार ठोकले. त्याने 108 चेंडूत शतक केले आणि त्यानंतर 138 चेंडूत 150 धावा पूर्ण केल्या.
महाराष्ट्राचा कर्णधार ऋतुराज गायकवाडने आपल्या डावात 159 चेंडूंचा सामना केला, ज्यात त्याने 10 चौकार आणि 16 षटकार मारले. गायकवाडने नाबाद 220 धावा केल्या. त्याने शिवा सिंगच्या षटकात एकूण 43 धावा केल्या. पहिल्या तीन चेंडूंवर सलग सहा षटकार मारल्यानंतर शिवा सिंगने पुढचा चेंडू नो-बॉल टाकला, त्यावर गायकवाडने पुन्हा षटकार मारला. यानंतर त्याने फ्री हिटवर षटकारही मारला आणि ओव्हरच्या उर्वरित चेंडूवरही षटकार मारला.
6⃣,6⃣,6⃣,6⃣,6⃣nb,6⃣,6⃣
Ruturaj Gaikwad smashes 4⃣3⃣ runs in one over! 🔥🔥
Follow the match ▶️ https://t.co/cIJsS7QVxK…#MAHvUP | #VijayHazareTrophy | #QF2 | @mastercardindia pic.twitter.com/j0CvsWZeES
— BCCI Domestic (@BCCIdomestic) November 28, 2022
या सामन्यात ऋतुराज गायकवाड यांच्याशिवाय अन्य कोणताही फलंदाज महाराष्ट्रासाठी विशेष काही करू शकला नाही. अंकित बावणे आणि अझिम काझी या दोघांनी प्रत्येकी 37-37 धावा केल्या. या सामन्यात यूपीच्या गोलंदाजांनी पूर्णपणे निराशा केली. शिवा सिंग 9 षटकात 88 धावा देऊन सर्वात महागडा ठरला.
ऋतुराज गायकवाडने आपल्या खेळीत केले हे विक्रम
- लिस्ट-ए क्रिकेटमधील त्याचे पहिले द्विशतक
- लिस्ट-ए क्रिकेटमध्ये एका षटकात सर्वाधिक धावा (43 धावा)
- एका षटकात 7 षटकार मारणारा पहिला फलंदाज
- लिस्ट-ए क्रिकेटमध्ये द्विशतक झळकावणारा 11वा भारतीय खेळाडू
25 वर्षीय ऋतुराज गायकवाड हा महाराष्ट्रातून आला आहे. त्याने आयपीएलमध्ये महेंद्रसिंग धोनीच्या चेन्नई सुपर किंग्जमध्ये चमक दाखवली आहे. त्याने टीम इंडियासाठी वनडे आणि टी-20 फॉरमॅटमध्ये पदार्पण केले आहे. ऋतुराजने टीम इंडियासाठी 1 वनडे, 9 टी-20 सामने खेळले आहेत. जर आपण त्याचा लिस्ट-ए रेकॉर्ड पाहिला तर त्याने 69 सामन्यांमध्ये 55 च्या सरासरीने 3538 धावा केल्या आहेत.