मराठमोळा अभिनेता रितेश देशमुख Riteish Deshmukh दिग्दर्शित ‘वेड’ Ved movie या मराठी चित्रपटाचं चित्रीकरण पूर्ण झालं असल्याची माहिती रितेशने दिली आहे. तसेच Salman Khan सलमान खानसोबतचे २ फोटो शेअर करत रितेशने आषाढी एकादशीच्या शुभेच्छाही दिल्या आहेत.
रितेश देशमुखने आपल्या पोस्टमध्ये लिहीलंय,”आषाढी एकादशीच्या सगळ्यांना खूप खूप शुभेच्छा. पांडुरंगाच्या साक्षीने मी मराठी चित्रपटक्षेत्रात पाऊल ठेवलं आणि आज त्याच विठूमाऊलीच्या आषाढीला सांगतांना अतिशय आनंद होतोय की मी दिग्दर्शित केलेल्या पहिल्या मराठी चित्रपटाचं चित्रीकरण नुकतंच पूर्ण झालं आहे .
अनेक अडचणीतून मार्ग काढत मी आणि माझ्या टीमने पहिला टप्पा यशस्वीपणे गाठला आहे आणि आता पुढचा पूर्णत्वाचा प्रवास आणखी बरंच शिकवणारा असणार आहे पण जर तुमच्या पाठीशी तुमची जिवाभावाची माणसं असतील तर हा प्रवास आणखी सोपा होतो.
अशाच एका जिवाभावाच्या माणसाची साथ आमच्या चित्रपटाला लाभली ते म्हणजे ‘सलमान भाऊ’ . माझ्या पहिल्या मराठी चित्रपटाला भाऊंनी लईभारी साथ दिली होती आता भाऊने माझ्या पहिल्या दिग्दर्शकीय चित्रपटात आणखी एक वेड केलंय. थॅक्यु भाऊ. लव यू. तुम्हा सर्वांच्या सदिच्छांमुळे वेड पूर्ण झाला आहे. आणि आता… वेडेपणा सुरु होणार आहे. तेव्हा भेटूया लवकरच… चित्रपटगृहात!!”
View this post on Instagram