धोनीच्या चेन्नई सुपर किंग्जला मोठा धक्का बसण्याची शक्यता आहे. यावेळी, चेन्नईला रवींद्र जडेजाच्या रूपाने मोठा फटका बसण्याची अपेक्षा आहे, जो स्पर्धेतून बाहेर जाऊ शकतो. मीडिया रिपोर्ट्सनुसार, रवींद्र जडेजाला दुखापतीमुळे IPL 2022 मधून बाहेर पडावे लागू शकते. चेन्नईच्या संघात यापूर्वीच अनेक बदल करण्यात आले आहेत. दीपक चहरही दुखापतीमुळे स्पर्धेतून बाहेर पडला आहे. अशाप्रकारे, सीएसकेसाठी हा मोठा धक्का ठरू शकतो.
रॉयल चॅलेंजर्स बंगळुरूविरुद्ध क्षेत्ररक्षण करताना रवींद्र जडेजाला दुखापत झाली होती. त्या सामन्यात चेन्नईचा पराभव झाला होता. दुखापतीमुळे त्याला दिल्ली कॅपिटल्सविरुद्धच्या सामन्यातून बाहेर व्हावे लागले होते. मीडिया रिपोर्ट्सनुसार, नुकतेच धोनीकडे कर्णधारपद सोपवलेल्या रवींद्र जडेजाला आयपीएल 2022 मधून बाहेर पडावे लागू शकते.
आयपीएलची स्पर्धा आता शेवटच्या टप्प्यात असून गुरुवारी सीएसकेचा सामना मुंबई इंडियन्सशी होणार आहे. अशा परिस्थितीत जडेजा संघातून बाहेर पडणे हा चेन्नईसाठी हा मोठा धक्का असू शकतो.
आयपीएल 2022 मध्ये जडेजाला चेन्नईचे कर्णधारपद देण्यात आले होते, पण त्याची कामगिरी आणि संघाची कामगिरी खराब होती. अशा परिस्थितीत त्याने पुन्हा धोनीकडे कर्णधारपद सोपवले. कर्णधारपद सोडल्यानंतर तो दोन सामन्यांत खेळला, पण दुसऱ्या सामन्यात झेल घेताना तो जखमी झाला आणि आता तो स्पर्धेतून बाहेर होण्याच्या मार्गावर आहे.