Rajasthan Royals vs Royal Challengers Bengaluru: आयपीएल 2024 चा 19 वा सामना राजस्थान रॉयल्स आणि रॉयल चॅलेंजर्स बंगलोर यांच्यात सवाई मानसिंग स्टेडियमवर खेळला गेला. या सामन्यात राजस्थानचा कर्णधार संजू सॅमसनने नाणेफेक जिंकून प्रथम गोलंदाजी करण्याचा निर्णय घेतला. आरसीबीने प्रथम फलंदाजी करताना 20 षटकांत 3 गडी गमावून 183 धावा केल्या. राजस्थानला हा सामना जिंकण्यासाठी 184 धावांची गरज होती. राजस्थानने लक्ष्याचा पाठलाग करताना 5 चेंडू शिल्लक असताना हे लक्ष्य गाठले.
आरसीबीसाठी, विराट कोहलीने 113 धावांची नाबाद खेळी करत आयपीएल कारकिर्दीतील 8 वे शतक झळकावले. त्याच्याशिवाय कर्णधार फाफ डू प्लेसिसनेही 44 धावांचे योगदान दिले. दुसरीकडे, आरआरचा सलामीवीर यशस्वी जैस्वाल शून्य धावांवर बाद झाला असला तरी, जोस बटलरचे शतक आणि संजू सॅमसनच्या 42 चेंडूत 69 धावांच्या महत्त्वपूर्ण खेळीच्या जोरावर राजस्थानने आरसीबीचा एकतर्फी पराभव केला.
#PinkPromise, sealed with a six. Halla Bol! 🔥💗 pic.twitter.com/Sy5RRSHTmx
— Rajasthan Royals (@rajasthanroyals) April 6, 2024
10व्या षटकापर्यंत राजस्थान रॉयल्सची धावसंख्या 1 बाद 95 धावा होती, मात्र पुढच्या 3 षटकांत गोलंदाजांनी केलेल्या जोरदार आक्रमणामुळे सामना एकतर्फी झाला. मयंक डागरने 11व्या षटकात 14 धावा दिल्या, तर हिमांशू शर्माने 12व्या षटकात 15 धावा दिल्या. त्याच्याशिवाय यश दयालनेही १३व्या षटकात १३ धावा दिल्या. 3 षटकांत 42 धावा झाल्यामुळे राजस्थान रॉयल्सचा आवश्यक धावगती लक्षणीयरीत्या खाली आला होता. आरआरला शेवटच्या 5 षटकात केवळ 32 धावांची गरज होती, परंतु 14व्या षटकात संजू सॅमसन आणि पुढच्या षटकात रियान परागच्या विकेट्सने आरसीबीच्या आशा पल्लवित केल्या.
जोस बटलर अजूनही क्रीजवर होता. बरेच चेंडू शिल्लक असल्याने आरआरच्या फलंदाजांनी कोणताही धोका पत्करला नाही. बटलरने 58 चेंडूत 100 धावा करून आरआरला 6 विकेट्सने विजय मिळवून देण्यात महत्त्वाची भूमिका बजावली. आयपीएल 2024 मधील राजस्थानचा हा सलग चौथा विजय आहे आणि संघ आता 8 गुणांसह गुणतालिकेत अव्वल स्थानावर आहे.
For the second time this season, the run machine remains unbeaten, and true to his name 🙌#PlayBold #ನಮ್ಮRCB #IPL2024 #RRvRCB @imVkohli pic.twitter.com/gQaOnlcttc
— Royal Challengers Bengaluru (@RCBTweets) April 6, 2024
विराटची शतकी खेळी बटलरसमोर फेल
विराट कोहलीने RR vs RCB सामन्यात 67 चेंडू खेळून आपल्या आयपीएल कारकिर्दीतील 8 वे शतक पूर्ण केले. पण संजू सॅमसन आणि जोस बटलर यांच्या शानदार खेळी आणि त्यांच्यातील 148 धावांची भागीदारी यांच्या तुलनेत विराटचे शतक फिके पडले. जोस बटलरने षटकार ठोकून राजस्थानला विजय मिळवून दिला आणि या षटकारासह त्याने आपले शतकही पूर्ण केले.