के. एम. पी. युवा कबड्डी सिरीज पहिल्या दिवशी झालेल्या शेवटच्या सामन्यांत रायगड मराठा मार्वेल्स संघाने सांगली सिंध सोनिक्स संघावर ४६-१९ असा विजय मिळवला. मध्यंतरापर्यत रायगड संघाने सांगली संघाला दोन वेळा ऑल आऊट केले.
प्रशांत जाधव, रुतिक पाटील यांनी मध्यंतरापर्यत प्रत्येकी चढाईत ४-४ गुण मिळवले तर अजय मोरे व सनी भगत ने ३-३ पकडी केल्या. २५-०९ अश्या भक्कम आघाडीनंतरही रायगडच्या खेळाडूंनी आक्रमक खेळ चालूच ठेवला.
सांगली सिंध सोनिक्सच्या वैभव वाघमोडे ने चांगक प्रतिकार केला मात्र त्याला संघाची साथ लाभली नाही. रायगड संघाकडून अजय मोरेने ७ पकडी व सनी भगतने ६ पकडी करत हाय फाय केले. तर चढाईत प्रशांत जाधवने ८ गुण तर रुतिक पाटील ने ५ गुणांची कमाई केली.
- बेस्ट रेडर – प्रशांत जाधव, रायगड मराठा मार्वेल्स
बेस्ट डिफेंडर – अजय मोरे, रायगड मराठा मार्वेल्स
कबड्डी का कमाल – सनी भगत, रायगड मराठा मार्वेल्स