शिखर धवन आयपीएल 2023 मध्ये पंजाब किंग्जचे नेतृत्व करू शकतो. ईएसपीएन क्रिकइन्फोच्या वृत्तानुसार, शिखर धवन पंजाब किंग्जमध्ये मयंक अग्रवालची जागा घेणार आहे. बुधवार, 2 नोव्हेंबर 2022 रोजी फ्रँचायझी बोर्डाच्या बैठकीत शिखर धवनच्या कर्णधारपदी नियुक्तीला मान्यता देण्यात आली. पंजाब किंग्जचे नवनियुक्त मुख्य प्रशिक्षक ट्रेव्हर बेलिस यांनीही धवनकडे कर्णधारपद सोपवण्याला पाठिंबा दिला आहे.
मयंक अग्रवालच्या आधी युवराज सिंग, कुमार संगकारा, महेला जयवर्धने, अॅडम गिलख्रिस्ट, डेव्हिड हसी, जॉर्ज बेली, वीरेंद्र सेहवाग, डेव्हिड मिलर, मुरली विजय, ग्लेन मॅक्सवेल, रविचंद्रन अश्विन, केएल राहुल यांनीही पंजाब किंग्जचे नेतृत्व केले आहे. इंडियन प्रीमियर लीग (IPL) 2022 च्या आधी मयंक अग्रवालकडे संघाची कमान सोपवण्यात आली होती. या वर्षाच्या सुरुवातीला पंजाब किंग्जने शिखर धवनला 8.25 कोटी रुपयांना खरेदी केले होते.
आयपीएलमध्ये सर्वाधिक धावा करणाऱ्या फलंदाजांच्या यादीत शिखर धवन दुसऱ्या क्रमांकावर आहे. त्याने 206 सामन्यांमध्ये 35.08 च्या सरासरीने आणि 126.35 च्या स्ट्राईक रेटने 6244 धावा केल्या आहेत. आयपीएल 2020 चा मोसमही त्याने चांगला गाजवला.त्याने दिल्ली कॅपिटल्ससाठी सुमारे 145 च्या स्ट्राइक रेटने 618 धावा केल्या. दिल्ली कॅपिटल्सने सनरायझर्स हैदराबादला त्याचा व्यवहार केला. पंजाब किंग्जसाठी त्याच्या पहिल्या सत्रात शिखर धवनने 14 सामन्यात 38.33 च्या सरासरीने आणि 122.66 च्या स्ट्राइक रेटने 460 धावा केल्या.
JUST IN: Shikhar Dhawan is set to replace Mayank Agarwal as captain of Punjab Kings from IPL 2023 👇
ESPNcricinfo has learned that the decision was taken on Wednesday and backed by head coach Trevor Bayliss 🏏
— ESPNcricinfo (@ESPNcricinfo) November 2, 2022
मयंक अग्रवाल 2018 मध्ये प्रीती झिंटाच्या सह-मालकीच्या पंजाब किंग्जशी संबंधित होता. आयपीएल 2021 च्या हंगामापर्यंत, त्याने माजी कर्णधार केएल राहुलसह एक मजबूत सलामीची जोडी तयार केली. आयपीएल 2022 साठी फ्रँचायझीने त्याला कर्णधार बनवले होते. मात्र, त्याची कामगिरी घसरली.मयंक अग्रवाल 13 सामन्यांत 16.33 च्या सरासरीने केवळ 196 धावा करू शकला. संघाची कामगिरीही चांगली झाली नाही. पंजाब किंग्जने हंगामाचा शेवट सहाव्या स्थानावर केला. भारताचे माजी मुख्य प्रशिक्षक रवी शास्त्री यांनीही एका कार्यक्रमात मयंक अग्रवालला कर्णधारपदावरून हटवण्याचा सल्ला दिला होता.
शिखर धवन हा आयपीएलमधील सर्वात अनुभवी खेळाडूंपैकी एक आहे. 2008 च्या हंगामापासून तो या स्पर्धेचा भाग आहे. त्याला वनडेमध्ये भारतीय संघाचे नेतृत्व करण्याची संधीही मिळत आहे. न्यूझीलंडविरुद्धच्या तीन सामन्यांच्या वनडे मालिकेतही तो टीम इंडियाचे नेतृत्व करेल.