पुण्यातील पोलीस कर्मचारी सागर घोरपडे यांचा व्हिडिओ सोशल मीडियावर व्हायरल होत आहे. या व्हिडिओमध्ये ते ‘ओ देश मेरे’ गाण गाताना दिसत आहे. हा व्हिडिओ पुणे शहर पोलिसांनी त्यांच्या अधिकृत ट्विटर हँडलवर शेअर केला होता, जो आतापर्यंत हजारो लोकांनी पाहिला आहे.
व्हिडिओमध्ये कॉन्स्टेबल सागर हे देशभक्तीपर गाणे गाताना दिसत आहे. मायक्रोफोनसमोर उभा राहून सागर हे गाण गाताना दिसत आहेत. सागर यांचा व्हिडिओ पोस्ट करत पुणे पोलिसांनी कॅप्शनमध्ये लिहिले की, “देशाला गाणे समर्पित करण्यासाठी कोणत्याही विशेष दिवसाची गरज नाही. आमचे पुणे पोलीस हवालदार सागर घोरपडे यांनी हे गाणे अतिशय सुंदर आणि मनापासून गायले आहे.
देशाप्रती गाणे समर्पित करण्यासाठी विशेष दिवसाची गरज भासत नाही..🇮🇳
‘Desh mere..’ sung beautifully by our #PunePolice Constable Sagar Ghorpade ..#MondayMotivation pic.twitter.com/7eszAGf9f8
— पुणे शहर पोलीस (@PuneCityPolice) October 10, 2022
यापूर्वीही अनेक गाणी व्हायरल झाली आहेत
याआधीही कॉन्स्टेबल सागरची पसुरी अशी गायलेली अनेक गाणी सोशल मीडियावर व्हायरल झाली आहेत. महाराष्ट्रातील एका छोट्या गावात राहणाऱ्या सागर यांना लहानपणापासूनच गाण्याची आवड होती. ते सांगतात की, लहानपणापासून गावातील देवळात आणि नवरात्रीत होणाऱ्या जागरणांमध्ये मी भजने म्हणायचो.
पुणे पोलिसात रुजू झाल्यानंतर काही दिवस गायनाला मुकले होते. नोकरीच्या निमित्ताने इतर राज्यात जावे लागले. त्यानंतर सुमारे 4-5वर्षांनी मी गाण्यासाठी वेळ काढू लागलो. आज जेव्हा लोक माझ्या प्रतिभेचे कौतुक करतात तेव्हा मला आनंद होतो. सागर पुणे पोलिसात सीडीआर विश्लेषक म्हणून काम करतात.