पश्चिम बंगालमध्ये शाळा भरती घोटाळ्याप्रकरणी केंद्रीय एजन्सी ईडीची कारवाई सुरू आहे. बुधवारी अंमलबजावणी संचालनालयाच्या अधिकार्‍यांनी मंत्री पार्थ चॅटर्जी यांची जवळची सहकारी अर्पिता मुखर्जीच्या बेलघरिया, कोलकाता येथील फ्लॅटवर छापा टाकला. यावेळी मोठ्या प्रमाणात रोकड जप्त करण्यात आली आहे. नोटा मोजण्यासाठी पाच बँक अधिकाऱ्यांना पाचारण करण्यात आले आहे. यासोबतच रोख मोजणी यंत्रेही मागवण्यात आली. 20 कोटींहून अधिक रोकड सापडल्याची माहिती सूत्रांनी रात्री दिली. अजूनही नोटांची मोजणी सुरू आहे.
#WATCH | Cash counting machines brought to the residence of Arpita Mukherjee, a close aide of West Bengal Minister Partha Chatterjee, located at Belgharia Town Club.
After a search operation, ED recovered a huge sum of money from her residence. pic.twitter.com/Gf3Vt9NPdb
— ANI (@ANI) July 27, 2022
तीन किलो सोने, चांदीची नाणी आणि मालमत्तेची कागदपत्रेही जप्त करण्यात आल्याचे सूत्रांनी सांगितले. अर्पिता मुखर्जी सध्या ईडीच्या कोठडीत आहे. प्रदीर्घ चौकशीनंतर तिला अटक करण्यात आली आहे. 22 जुलै रोजी ईडीने मुखर्जी यांच्या लपून बसलेल्या ठिकाणाहून 21 कोटी रुपयांची रोकड जप्त केली होती. त्यानंतर पार्थ चॅटर्जी यांनाही दीर्घ चौकशीनंतर अटक करण्यात आली.