‘हिंदूस्तान का शेर’ अक्षयच्या ‘पृथ्वीराज’चा टीझर प्रेक्षकांच्या भेटीला, पहा टीझर..

मुंबई – अभिनेता अक्षय कुमारने सोमवारी त्याच्या आगामी ऐतिहासिक चित्रपट ‘पृथ्वीराज’चा टीझर रिलीज केला आहे. हा चित्रपट पृथ्वीराज चौहान यांच्या अतुलनीय शौर्याला आणि धैर्याला श्रद्धांजली आहे असे म्हणत अक्षयने एक पोस्ट शेअर केली आहे. ‘पृथ्वीराज’ हा चित्रपट सम्राट पृथ्वीराज चौहान यांच्या जीवनावर आणि पराक्रमावर आधारित चित्रपट आहे.

इंस्टाग्रामवर चित्रपटाचे पोस्टर शेअर करत अक्षय कुमारने टीझर रिलीजबद्दलही माहिती दिली आहे. त्याने कॅप्शनमध्ये लिहिले की, गर्व आणि शौर्याबद्दलची ही एक वीर कथा असून सम्राट पृथ्वीराज चौहान यांची भूमिका साकारताना अभिमान वाटतो. हा चित्रपट २१ जानेवारी २०२२ ला रिलीज होणार आहे.

हा चित्रपट चंद्रप्रकाश द्विवेदी यांनी दिग्दर्शित केला आहे, जे महाकाव्य “चाणक्य” (१९९१) आणि २००३ मध्ये अमृता प्रीतम यांच्या ‘पिंजर’ या कादंबरीच्या चित्रपट रूपांतरासाठी प्रसिद्ध आहेत.

या चित्रपटात अक्षय कुमार आणि मानुषी छिल्लरसह संजय दत्त आणि सोनू सूद यांच्याही महत्वाच्या भूमिका आहेत. २०१७ सालची मिस वर्ल्ड राहिलेली मानुषी छिल्लर ही या चित्रपटातून बॉलिवूडमध्ये पदार्पण करत आहे.