टीम इंडियाचा क्रिकेटर पृथ्वी शॉवर मुंबईत हल्ला झाल्याची बातमी समोर आली आहे. पोलिसांनी दिलेल्या माहितीनुसार, सेल्फी घेण्यास नकार दिल्याने काही चाहते संतप्त झाले आणि त्यांनी पृथ्वी शॉच्या गाडीवर हल्ला केला. ही घटना बुधवारी सायंकाळी चारच्या सुमारास घडली. यादरम्यान पृथ्वी शॉ त्याच्या मित्रासोबत कारमध्ये बसला होता. त्यानंतर काही लोक तेथे आले आणि त्याच्यासोबत सेल्फी घेऊ लागले. पृथ्वीने नकार दिल्यानंतर त्याच्या कारवर बेसबॉलच्या बॅटने हल्ला करण्यात आला. चाहत्यांनी त्याच्या कारची विंडशील्ड तोडली आणि 50 हजार रुपयांची मागणीही केली.या प्रकरणी ओशिवरा पोलिसांनी आठ जणांविरुद्ध एफआयआर दाखल केला आहे. तक्रारीत नाव असलेल्या लोकांपैकी शोभित ठाकूर आणि सना उर्फ सपना गिल अशी दोघांची नावे आहेत.
यानंतर आणखी लोक त्याच्यासोबत आले आणि पुन्हा सेल्फी घेण्यास सांगू लागले. यावेळी पृथ्वीने नकार देत आपण आपल्या वैयक्तिक कामासाठी येथे आलो असल्याचे सांगितले. शॉचा मित्र आशिष सुरेंद्र यादव याने सांगितले की, यानंतर त्याच्यावर हल्ला करण्यात आला. त्यानंतर आरोपींनी त्यांचा पाठलाग करून पैसे द्या, अन्यथा खोट्या प्रकरणात अडकवू, अशी धमकी दिली.
#PrithviShaw Fight between Indian Cricketer Prithvi Shaw vs Influencer Sapna Gill#PrithviShaw #SapnaGill pic.twitter.com/CSgqxalxKu
— 💛Arsh Nehra💛 (@Arshnehra001) February 16, 2023