देश आज 74 वा प्रजासत्ताक दिन साजरा करत आहे. 26 जानेवारी हा दिवस देश म्हणून सर्व नागरिकांसाठी खूप महत्त्वाचा आहे, कारण या दिवशीच आपल्याला देशाची राज्यघटना मिळाली. या संदर्भात पंतप्रधान मोदींनी प्रजासत्ताक दिनापूर्वी देशाला शुभेच्छा दिल्या आहेत.त्यांनी ट्विट करून देशवासियांना प्रजासत्ताक दिनाच्या अनेक शुभेच्छा दिल्या. यावेळी हा प्रसंग देखील खास आहे कारण आपण स्वातंत्र्याच्या अमृत महोत्सवादरम्यान प्रजासत्ताक दिन साजरा करत आहोत. देशाच्या महान स्वातंत्र्यसैनिकांची स्वप्ने साकार करण्यासाठी आपण एकजुटीने पुढे जाऊया.
यावेळी राष्ट्रपती द्रौपदी मुर्मू प्रजासत्ताक दिन सोहळ्याचे नेतृत्व करणार असून इजिप्तचे राष्ट्रपती अब्देल फताह अल-सिसी या समारंभाचे प्रमुख पाहुणे असतील. अधिकार्‍यांनी सांगितले की, परेड दरम्यान प्रदर्शित होणार्‍या लष्करी शस्त्रांमध्ये मेड-इन-इंडिया उपकरणे समाविष्ट आहेत जी स्वावलंबी भारताची भावना दर्शवतात.
गणतंत्र दिवस की ढेर सारी शुभकामनाएं। इस बार का यह अवसर इसलिए भी विशेष है, क्योंकि इसे हम आजादी के अमृत महोत्सव के दौरान मना रहे हैं। देश के महान स्वतंत्रता सेनानियों के सपनों को साकार करने के लिए हम एकजुट होकर आगे बढ़ें, यही कामना है।
Happy Republic Day to all fellow Indians!
— Narendra Modi (@narendramodi) January 26, 2023
संरक्षण मंत्रालयाने एका निवेदनात म्हटले आहे की अर्जुन, नाग क्षेपणास्त्र प्रणाली (NAMIS) आणि K-9 वज्र हे मुख्य युद्ध टँक देखील प्रदर्शित केले जातील. निवेदनानुसार, लेफ्टनंट कमांडर दिशा अमृत यांच्या नेतृत्वाखाली भारतीय नौदलाच्या तुकडीत 144 तरुण खलाशांचा समावेश असेल. प्रथमच निघालेल्या या तुकडीत तीन महिला आणि सहा अग्निवीरांचा समावेश आहे.