Athiya Shetty And KL Rahul Marriage: बॉलीवूडमध्ये एकापेक्षा जास्त हिट चित्रपटांमधून आपल्या अभिनयाची क्षमता सिद्ध करणारा सुनील शेट्टी सध्या त्याची मुलगी अथिया शेट्टीच्या लग्नाच्या बातम्यांमुळे चर्चेत आहे. गेल्या काही दिवसांपासून अथिया आणि केएल राहुलच्या लग्नाची जोरदार चर्चा होत आहे. रिपोर्ट्सनुसार, दोघे 23 जानेवारीला लग्नबंधनात अडकणार आहेत.
लग्नाच्या बातम्यांदरम्यान आता एक व्हिडिओ समोर आला आहे, जो पाहून आता दोघांच्या लग्नाची तयारी सुरू झाली आहे. हा व्हिडिओ केएल राहुलच्या घराबाहेरचा आहे, जो पापाराझी विजेंदर चावलाने त्याच्या इंस्टाग्रामवर पोस्ट केला आहे.
View this post on Instagram
समोर आलेल्या या व्हिडिओमध्ये केएल राहुलचे घर सजलेले दिसत आहे. व्हिडीओमध्ये घराबाहेर फुगे लटकलेले दिसत आहेत, तसेच लाइटही लावण्यात आली आहे. हा व्हिडिओ पाहून केएल राहुलच्या घरी लग्नाची तयारी सुरू झाल्याचे स्पष्ट झाले आहे.
या व्हिडिओशिवाय केएल राहुलच्या घराबाहेरील काही फोटो समोर आले आहेत. जे इन्स्टंट बॉलिवूडने शेअर केळे आहेत. या फोटोमध्ये रात्रीच्या अंधारात क्रिकेटपटूचे घर प्रकाशाने चमकताना दिसत आहे. त्याच वेळी, फुगे आणि दिव्यांच्या तारांनी सजवलेले घर खूप सुंदर दिसत आहे. मात्र, हा व्हिडीओ आणि फोटो समोर आल्यानंतर अथिया शेट्टी आणि केएल राहुल यांच्या लग्नाची चर्चा अधिकच रंगली आहे.
View this post on Instagram
विशेष म्हणजे, अथिया शेट्टी आणि केएल राहुल बऱ्याच दिवसांपासून एकमेकांना डेट करत आहेत. आता काही दिवसात दोघेही एकमेकांच्या लग्नाच्या बंधनात अडकणार आहेत. रिपोर्ट्समध्ये असे सांगितले जात आहे की लग्नाचे फंक्शन 21 जानेवारीपासून सुरू होईल आणि त्यानंतर 23 जानेवारीला दोघेही एकमेकांशी लग्न करतील. अथिया शेट्टीच्या लग्नाचा सोहळा सुनील शेट्टीच्या खंडाळा फार्म हाऊसवर होणार असल्याचंही रिपोर्ट्समध्ये म्हटलं जात आहे.