अयोध्या राम मंदिरातील प्रसाद आता भक्तांना घरबसल्या मिळणार, असं करा ऑनलाईन बुकिंग

0
WhatsApp Group

How To Order Free Ram Mandir Prasad: सध्या सर्व भारतीयांचे लक्ष राम मंदिराच्या अभिषेक सोहळ्याकडे लागले आहे. प्रदीर्घ प्रतिक्षेनंतर राम मंदिराचे बांधकाम पूर्ण झाले आहे. अशा परिस्थितीत आता जेव्हा येथे प्राणप्रतिष्ठा केली जाईल, तेव्हा तो क्षण तमाम हिंदूंसाठी अद्भूत असेल. राम मंदिराच्या या अलौकिक क्षणाचे साक्षीदार होण्यासाठी अनेकजण अयोध्येला जाण्याच्या तयारीत आहेत. पण काहि लोक इच्छा असूनही या सोहळ्याला उपस्थित राहू शकणार नाहीत. त्यांच्यासाठी ही बातमी आहे.

राम मंदिरातील प्रसाद तुम्हाला घरबसल्या मोफत मागवता येणार आहे. तुम्हालाही रामललाच्या अभिषेक सोहळ्याचा प्रसाद खायचा असेल, तर तुम्हाला अयोध्येला जाण्याची गरज नाही. या पहिल्या पूजेचा प्रसाद तुम्ही तुमच्या पत्त्यावर घरी बसून मिळवू शकता. यासाठी तुम्हाला फक्त ऑनलाइन प्रसाद बुक करावा लागेल. त्यानंतर आठवडाभरात हा प्रसाद तुमच्या घरी पोहोचवला जाईल. या मोफत प्रसादाचे बुकिंग करण्याची संपूर्ण पद्धत आम्ही तुम्हाला सांगत आहोत.

या वेबसाइटवरून बुक करा

राम मंदिराचा प्रसाद घरपोच खाण्याची संधी देण्यासाठी खादी ऑरगॅनिक नावाची वेबसाईट आली आहे. या साइटचा दावा आहे की ती राम मंदिराचा पूजा प्रसाद तुमच्या घरी पोहोचवेल. पण यासाठी तुम्हाला ऑनलाईन बुकिंग करावं लागणार आहे. जर आपण वेबसाइटच्या सत्यतेबद्दल बोललो, तर खादी ऑरगॅनिक ड्रिलमॅप्स इंडिया प्रायव्हेट लिमिटेडचा एक भाग आहे. ही कंपनी भारतात बनवलेल्या सेंद्रिय वस्तूंची अमेरिका आणि कॅनडामध्ये विक्री करते. या कंपनीचे संस्थापक आशिष सिंग आहेत, ते फेसबुकच्या मूळ कंपनी मेटाचे सॉफ्टवेअर डेव्हलपर देखील आहेत.

 

View this post on Instagram

 

A post shared by Yasna Sehgal (@thefriendlyadvocate)

कसं करावे ऑनलाईन बुकिंग?

  • राम मंदिराच्या प्रसादाच्या ऑनलाइन बुकिंगसाठी तुम्हाला प्रथम khadiorganic.com वर जावे लागेल.
  • येथे तुम्हाला वरच्या बाजूला मोफत प्रसाद लिहिलेले दिसेल.
  • त्यावर क्लिक करताच, तुमच्या मोबाईल क्रमांकाव्यतिरिक्त, तुम्हाला तुमचा पत्ता भरावा लागेल जिथे तुम्हाला प्रसाद मागवायचा आहे.
  • होम डिलिव्हरीसाठी तुम्हाला 51 रुपये शुल्क द्यावे लागेल.
  • तुम्हाला हे 51 रुपये देखील खर्च करायचे नसतील तर तुमच्या शहरातील मोफत वितरण केंद्रावर क्लिक करा.
  • यामध्ये तुम्हाला सर्व केंद्रे माहीत असतील जिथे प्रसाद मोफत वाटला जाईल. पण तिथे जाऊन प्रसाद घ्यावा लागेल.