Viral Video: ‘सात समंदर पार’वर पोलीस काकांचा कल्ला! डान्स पाहून पोट धरून हसाल; पण शेवटी सत्य समोर आलं अन्…
सोशल मीडियावर रोज नवनवीन डान्स व्हिडिओ व्हायरल होत असतात, पण सध्या एका ‘पोलीस’ वर्दीतील व्यक्तीच्या डान्सने इंटरनेटवर अक्षरशः धुमाकूळ घातला आहे. सनी देओलच्या ‘विश्वात्मा’ चित्रपटातील सदाबहार गाणे ‘सात समंदर पार’वर या व्यक्तीने असे काही ठुमके लावले आहेत की, नेटकरी हसून हसून लोटपोट झाले आहेत. पसीनेने डबडबलेला हा व्यक्ती ज्या उत्साहात नाचत आहे, ते पाहून तुम्हालाही क्षणभर आश्चर्याचा धक्का बसेल.
वर्दी, चष्मा अन् जबरदस्त एनर्जी
व्हायरल होत असलेला हा व्हिडिओ एखाद्या नवरात्री उत्सवातील असल्याचे दिसते. आजूबाजूला गर्दी असून डीजेवर लोक थिरकत आहेत. अशातच पोलिसांच्या वर्दीत आणि डोळ्यावर काळा चश्मा चढवलेला एक व्यक्ती एन्ट्री घेतो आणि पूर्ण महफिल जिंकून घेतो. गाण्याच्या बोलांनुसार हा व्यक्ती अचूक स्टेप्स करत आहे. विशेषतः जेव्हा ‘सात समंदर पार…’ हे कडवे येते, तेव्हा हाताने पाणी मागे सारण्याची कृती करत ‘पीछे-पीछे आ गई’ स्टाईलमध्ये तो पळण्याची नक्कल करतो. त्याचा हा बिनधास्त डान्स पाहून तिथे उपस्थित लोकही थक्क झाले आहेत.
पोलीस की कलाकार? व्हिडिओचं सत्य आलं समोर
व्हिडिओ व्हायरल झाल्यानंतर या ‘पोलीस’ अधिकाऱ्याची सर्वत्र चर्चा सुरू झाली. मात्र, जेव्हा या व्हिडिओची अधिक चौकशी केली गेली, तेव्हा एक धक्कादायक सत्य समोर आले. वर्दीत डान्स करणारा हा व्यक्ती खरोखरचा पोलीस अधिकारी नसून तो एक ‘कंटेंट क्रिएटर’ आहे. इन्स्टाग्राम यूजर @ravibohat123 याच्या प्रोफाईलवरून हे स्पष्ट झाले की, तो वारंवार पोलिसांची वर्दी परिधान करून अशा प्रकारच्या मजेशीर रील्स बनवत असतो. लोकांच्या मनोरंजनासाठी त्याने हा पोलिसांचा अवतार धारण केला होता.
नेटकऱ्यांकडून कमेंट्सचा पाऊस
हा व्हिडिओ आतापर्यंत हजारो लोकांनी पाहिला असून कमेंट सेक्शनमध्ये हास्याच्या इमोजींचा पूर आला आहे. अनेक युजर्सनी त्याच्या एनर्जीचे कौतुक केले आहे, तर काहींनी “सावधान, खरे पोलीस आले तर महागात पडेल” अशी मिश्किल टिप्पणी केली आहे. काहीही असले तरी, या बनावट पोलिसाने मात्र इंटरनेटवर खऱ्या पोलिसांपेक्षा जास्त चर्चा घडवून आणली आहे.