Mopa International Airport : PM मोदींनी गोव्याला दिली मोठी भेट, मोपा आंतरराष्ट्रीय विमानतळाचे केले उद्घाटन

पंतप्रधान नरेंद्र मोदी यांनी गोव्यातील मोपा आंतरराष्ट्रीय विमानतळाचे आज उद्घाटन केले आहे. नोव्हेंबर 2016 मध्ये पंतप्रधान मोदी यांच्या हस्ते त्याची पायाभरणी करण्यात आली. गोव्यातील हे दुसरे विमानतळ असेल, पहिले दाबोलीम येथे असेल. उद्घाटनाच्या या कार्यक्रमात पंतप्रधान मोदींसोबत गोव्याचे मुख्यमंत्री प्रमोद सावंत आणि केंद्रीय नागरी उड्डयन मंत्री ज्योतिरादित्य सिंधिया उपस्थित होते.

या विमानतळाचे उद्घाटन केल्यानंतर पंतप्रधान मोदी म्हणाले की, या आंतरराष्ट्रीय विमानतळाला माझे प्रिय सहकारी आणि गोव्याचे प्रिय, स्वर्गीय मनोहर पर्रीकर यांचे नाव देण्यात आले याचा मला आनंद आहे. आता मनोहर आंतरराष्ट्रीय विमानतळाच्या नावाने पर्रीकरजींचे नाव इथे येणाऱ्या-जाणाऱ्या प्रत्येकाच्या स्मरणात राहील.

The state-of-the-art airport in Mopa will significantly improve connectivity as well as boost tourism in Goa. https://t.co/rY9M4OY6Z5

— Narendra Modi (@narendramodi) December 11, 2022

मोपा येथील विमानतळाच्या उद्घाटन समारंभात पीएम मोदी म्हणाले की, 2014 पूर्वीच्या सरकारच्या वृत्तीमुळे विमान प्रवास लक्झरी बनला होता. बहुतेक फक्त श्रीमंत लोकच याचा फायदा घेऊ शकतात. याआधीच्या सरकारांनी असा विचारही केला नव्हता की, सामान्य माणसाला, मध्यमवर्गालाही विमान प्रवास करायचा आहे.

सिंधिया यांनी विरोधकांवर साधला निशाणा

उद्घाटनापूर्वी केंद्रीय मंत्री ज्योतिरादित्य सिंधिया म्हणाले की, गोव्यात पहिल्या ग्रीनफिल्ड विमानतळाचे उद्घाटन होत आहे. एकाच शहरात दोन विमानतळ असल्याचा नवा इतिहास इथे रचला जात आहे. पूर्वीच्या सरकारांमध्ये 1 विमानतळ 1 वर्षात बांधले जात नव्हते, परंतु आज अनेक विमानतळ 1 वर्षात बांधले जातात.