रोजगार मेळा 2023: पंतप्रधान नरेंद्र मोदी यांनी व्हिडिओ कॉन्फरन्सिंगद्वारे 2023 च्या पहिल्या रोजगार मेळाव्यात भाग घेतला. यादरम्यान, पंतप्रधानांनी सरकारी विभाग आणि संस्थांमध्ये 71,000 तरूणांना नियुक्ती पत्र दिले. यासोबतच पंतप्रधानांनी नवनियुक्त तरुण आणि त्यांच्या कुटुंबीयांचे अभिनंदन केले. कार्यक्रमाला संबोधित करताना पंतप्रधान म्हणाले, “2023 सालचा हा पहिला रोजगार मेळावा आहे. या वर्षाची सुरुवात उज्वल भविष्याच्या नव्या आशेने झाली आहे. मी सर्व तरुणांचे आणि त्यांच्या कुटुंबियांचे अभिनंदन करतो. आणखी लाखो कुटुंबांना नियुक्ती मिळणार आहे.
‘रोजगार मेळावा सरकारची ओळख’
रोजगार मेळावे ही सरकारची ओळख असल्याचे सांगून पंतप्रधान म्हणाले, ‘केंद्र सरकारसोबतच एनडीए आणि भाजपशासित राज्यांमध्ये सातत्याने रोजगार मेळावे आयोजित केले जात आहेत. सरकार प्रतिज्ञा घेते, सिद्ध करून दाखवते. भरती प्रक्रियेतील बदलांचा संदर्भ देत पीएम मोदी म्हणाले, केंद्रीय नोकऱ्यांसाठी भरती प्रक्रिया पूर्वीपेक्षा अधिक कार्यक्षम आणि कालबद्ध झाली आहे. सरकारच्या प्रत्येक कामात भरती प्रक्रियेतील पारदर्शकता आणि गती दिसून येते.
Addressing the Rozgar Mela. Best wishes to the newly inducted appointees. https://t.co/1jA5ocfXdH
— Narendra Modi (@narendramodi) January 20, 2023
पीएम मोदी म्हणाले, ‘व्यावसायिक जगात असे म्हटले जाते की, ग्राहक नेहमीच बरोबर असतो. तसेच नागरिक नेहमीच बरोबर (Citizen Always Right) हे सरकारचे ब्रीदवाक्य असावे. आम्ही सतत रोजगार आणि स्वयंरोजगाराच्या संधी निर्माण करण्यासाठी वचनबद्ध आहोत. पायाभूत सुविधांच्या विकासासह संधी सतत वाढत आहेत.