PF खात्यातील शिल्लक आता मिस्ड कॉलद्वारे समजणार, कसं ते जाणून घ्या

Check PF Balance By Missed Call:भारतात काम करणाऱ्या लोकांना भविष्य निर्वाह निधी किंवा पीएफची चांगली माहिती असते. नोकरदार व्यक्तीच्या पगारातील काही टक्के रक्कम दरमहा पीएफ म्हणून कापली जाते आणि खात्यात जमा केली जाते. यामध्ये कंपनीचाही तितकाच वाटा आहे. दर महिन्याला हे पैसे पीएफ खात्यात आपोआप जमा होतात. अनेक वेळा लोकांना माहिती नसते की त्यांच्या पीएफ खात्यात किती पैसे जमा झाले आहेत. ही माहिती तुम्ही फक्त एका मिस कॉलने जाणून घेऊ शकता.

पीएफ खात्यातील शिल्लक तपासण्याची ही पद्धत अतिशय सोपी आहे. तुमचा पीएफ शिल्लक जाणून घेण्यासाठी तुम्हाला कोणत्याही वेबसाइट किंवा लिंकला भेट देण्याची गरज नाही. यासाठी तुमच्या फोनवरून फक्त एक नंबर डायल करा आणि तुम्हाला न बोलता तपशील मिळतील. हे काम एका मिस कॉलने क्षणार्धात करता येते.

Here are 4 ways to check PF Account balance and Statement Check.#EPFO #HumHainNa pic.twitter.com/q0QTEnphLK

— EPFO (@socialepfo) June 10, 2019

कोणत्या फोन नंबरवर मिस कॉल द्यावा?
फोन नंबर डायल केल्यानंतर, एक बेल वाजेल आणि नंतर फोन आपोआप डिस्कनेक्ट होईल. यानंतर, तुमच्या फोनवर एक संदेश येईल, ज्यामध्ये पीएफ योगदान आणि कंपनीचे योगदान याबद्दल माहिती दिली जाईल. याशिवाय संपूर्ण बॅलन्सही या मेसेजमध्ये कळणार आहे. तुमच्या मोबाईलवरून 9966044425 वर कॉल करा तुम्हाला सर्व माहिती मिळेल.

तुम्ही मेसेज करून तुमची शिल्लक देखील जाणून घेऊ शकता
कॉल करण्याव्यतिरिक्त, तुम्ही मेसेजद्वारे पीएफ खात्यातील शिल्लक देखील तपासू शकता. यासाठी 7738299899 या क्रमांकावर मेसेजमध्ये EPFOHO UAN लिहा. तुमचा नंबर पीएफ खात्याशी जोडलेला असावा.