Horoscope: पौष पौर्णिमेला ‘या’ राशींवर होणार धनवर्षाव; मेष-वृषभसाठी आनंदाची बातमी, तर कुंभ राशीने राहावे सावध!

आज शनिवार, ३ जानेवारी २०२६. आज पौष महिन्याची पौर्णिमा आहे. दुपारी ३:३३ वाजेपर्यंत पौर्णिमा तिथी असेल. आज सकाळी ९:०५ वाजेपर्यंत ‘ब्रह्म योग’ असून त्यानंतर ‘इंद्र योग’ सुरू होईल. तसेच संध्याकाळी ५:२८ पर्यंत ‘आर्द्रा नक्षत्र’ राहील. ग्रहांची ही स्थिती काही राशींसाठी प्रगतीचे दरवाजे उघडणारी ठरेल.

१२ राशींचे आजचे राशीभविष्य (Daily Horoscope):

मेष (Aries): गुड न्यूजचा दिवस आजचा दिवस तुमच्यासाठी आनंदाचा असेल. मुलांकडून एखादी मोठी ‘गुड न्यूज’ मिळू शकते. कला क्षेत्रातील विद्यार्थ्यांच्या मनात नवीन आणि कल्पक विचार येतील. बेरोजगारांना रोजगाराच्या संधी मिळण्याचे शुभ संकेत आहेत. आर्थिक बाजू मजबूत राहील.

• शुभ रंग: निळा | शुभ अंक: ५

वृषभ (Taurus): पदोन्नतीचे योग व्यावसायिकांसाठी आजचा दिवस उत्तम आहे. व्यवसायानिमित्त परदेश दौऱ्याची संधी मिळू शकते. सरकारी नोकरीत असणाऱ्यांचे प्रमोशन (पदोन्नती) होण्याचे दाट योग आहेत. घरी पाहुण्यांच्या आगमनाने उत्साहाचे वातावरण राहील.

• शुभ रंग: गुलाबी | शुभ अंक: ४

मिथुन (Gemini): करिअरवर लक्ष द्या आजचा दिवस सामान्य असेल. करिअरबाबत तुम्ही थोडे चिंतेत असाल, अशा वेळी गुरूंचा किंवा ज्येष्ठांचा सल्ला घेणे फायदेशीर ठरेल. स्पर्धा परीक्षेची तयारी करणाऱ्यांसाठी दिवस चांगला आहे. वैवाहिक जीवन सुखमय राहील.

• शुभ रंग: पिवळा | शुभ अंक: २

कर्क (Cancer): कौटुंबिक आनंद आज तुम्ही कुटुंबासोबत वेळ घालवाल. पालकांना त्यांच्या आवडीच्या ठिकाणी फिरायला घेऊन जाल. घरात गोडधोड पदार्थ बनवण्याचा विचार येईल, ज्यामुळे तुमचा मूड चांगला राहील. आर्थिक स्थिती सुधारेल.

• शुभ रंग: हिरवा | शुभ अंक: ८

सिंह (Leo): रखडलेली कामे पूर्ण होतील आज तुम्हाला यश मिळण्याचे योग आहेत. बराच काळ रखडलेली कामे आज पूर्णत्वास जातील. व्यापाऱ्यांसाठी आजचा दिवस शुभ असून चांगल्या कमाईचे संकेत आहेत. इंजिनीअरिंगच्या विद्यार्थ्यांना नोकरीच्या चांगल्या ऑफर्स मिळतील.

• शुभ रंग: गुलाबी | शुभ अंक: ३

कन्या (Virgo): मोठी बिझनेस डील आज व्यवसायात एखादी मोठी डील फायनल होऊ शकते, ज्यामुळे मोठा आर्थिक फायदा होईल. एखादी चांगली बातमी मिळण्याचे योग आहेत. कौटुंबिक नात्यात सुसंवाद राहील. संध्याकाळी मुलांसोबत आनंदात वेळ जाईल.

• शुभ रंग: लाल | शुभ अंक: ६

तुळ (Libra): नवीन कामात रुची आज तुमची नवीन कामात रुची वाढेल, ज्यामुळे काहीतरी नवीन शिकायला मिळेल. उधळपट्टी टाळण्याचा प्रयत्न करा, जेणेकरून भविष्यात बचतीचा फायदा होईल. ऑफिसमध्ये अतिरिक्त काम केल्यामुळे जुने प्रकल्प लवकर पूर्ण होतील.

• शुभ रंग: राखाडी (Grey) | शुभ अंक: २

वृश्चिक (Scorpio): नवीन व्यवसायासाठी शुभ आजचा दिवस मित्रांसोबत मजेशीर जाईल. वडीलधाऱ्यांचे आशीर्वाद घेऊन नवीन व्यवसाय सुरू केल्यास फायदा नक्की होईल. आरोग्याबाबत थोडी सावधानता बाळगा, बाहेरचे अन्न खाणे टाळा. वकिलांसाठी आजचा दिवस फलदायी ठरेल.

• शुभ रंग: सोनेरी | शुभ अंक: ५

धनु (Sagittarius): सर्व इच्छा पूर्ण होतील आजचा दिवस लाभदायक आहे. सर्व कामे तुमच्या मनाप्रमाणे पूर्ण होतील. ऑफिसमध्ये सहकाऱ्यांचे पूर्ण सहकार्य मिळेल. तुमच्या बिझनेस आयडियाजमुळे प्रभावित होऊन बॉस तुम्हाला एखादी भेटवस्तू देऊ शकतात.

• शुभ रंग: आकाशी | शुभ अंक: १

मकर (Capricorn): नियोजनाने काम करा आज कामात तुमचे मन रमेल. उत्पन्नात वाढ होण्याची शक्यता आहे. महत्त्वाचे काम वेळेपूर्वी पूर्ण करण्यासाठी योग्य नियोजनाची गरज आहे. व्यावसायिक उलाढाल वाढेल.

• शुभ रंग: फिका पिवळा | शुभ अंक: १

कुंभ (Aquarius): सावधगिरी बाळगा कुंभ राशीच्या लोकांसाठी दिवस संमिश्र आहे. रखडलेल्या कामात यश मिळेल, पण ऑफिसमध्ये कोणतीही घाई करणे टाळा, अन्यथा चूक होऊ शकते. विद्यार्थ्यांसाठी दिवस सकारात्मक असून अभ्यासात एकाग्रता वाढेल.

• शुभ रंग: निळा | शुभ अंक: ६

मीन (Pisces): जुन्या मित्राची भेट आजचा दिवस शानदार असेल. नवविवाहित जोडप्यांचा वेळ धार्मिक कार्यात जाईल. जोडीदारासोबत डिनरला जाण्याचे बेत आखाल. जुन्या मित्राच्या भेटीमुळे बालपणाच्या आठवणींना उजाळा मिळेल. अचानक धनलाभाची शक्यता आहे.

• शुभ रंग: गुलाबी | शुभ अंक: ६