ODI world cup 2023: भारतात यावर्षी होणाऱ्या आयसीसी वनडे विश्वचषक स्पर्धेला 5 ऑक्टोबरपासून सुरुवात होणार आहे. मंगळवारी प्रसिद्ध झालेल्या मीडिया रिपोर्ट्सनुसार, एकदिवसीय विश्वचषक 5 ऑक्टोबर ते 19 नोव्हेंबर दरम्यान चालणार आहे. देशातील सर्वात मोठे क्रिकेट स्टेडियम अहमदाबाद येथील नरेंद्र मोदी स्टेडियमवर 19 नोव्हेंबरला त्याचा अंतिम सामना होणार आहे. अहमदाबाद व्यतिरिक्त, भारतीय क्रिकेट नियामक मंडळाने (BCCI) इतर 11 शहरांची निवड केली आहे.
या 11 शहरांमध्ये सामने होऊ शकतात: 46 दिवस चालणाऱ्या या स्पर्धेत तीन बाद फेरीसह एकूण 48 सामने खेळवले जातील. हे सामने दिल्ली, लखनौ, चेन्नई, बंगळुरू, धर्मशाला, गुवाहाटी, हैदराबाद, कोलकाता, इंदूर, राजकोट आणि मुंबई येथे खेळवले जातील, तरीही कोणत्या मैदानावर खेळवले जातील हे अद्याप निश्चित झालेले नाही.
The 2023 ODI World Cup is likely to start on October 5, with the final scheduled to be in Ahmedabad
— ESPNcricinfo (@ESPNcricinfo) March 21, 2023
अहवालानुसार, मंडळ लवकरच स्पर्धेचे वेळापत्रक ठरवेल. देशातील मान्सून पाहता कोणतेही ठिकाण निश्चित झालेले नाही. सराव सामन्यांसाठीही काही ठिकाणे निश्चित केली जातील.
आयसीसी टूर्नामेंट आयोजित करण्यासाठी कर सवलतीबाबत बीसीसीआयच्या निर्णयाची वाट पाहत आहे. तसे न झाल्यास त्याचा फटका बीसीसीआयला सहन करावा लागेल. याशिवाय पाकिस्तान संघासाठी व्हिसा मंजूरी हाही महत्त्वाचा मुद्दा आहे.