Mukhtar Ansari Death: कुख्यात गँगस्टर मुख्तार अन्सारीचा तुरुंगात मृत्यू

देश-विदेश
By Team Inside Marathi
Mukhtar Ansari Death
WhatsApp Group

Mukhtar Ansari Death: उत्तर प्रदेशच्या बांदा तुरुंगात बंदिस्त असलेल्या मुख्तार अन्सारीचा गुरुवारी मृत्यू झाला. तुरुंगामध्ये तो अचानक जमिनीवर पडला आणि नंतर बेशुद्ध झाला. यावर तुरुंग प्रशासनाने त्यांना तातडीने रुग्णवाहिकेतून रुग्णालयात दाखल केले, तेथे त्यांचा मृत्यू झाला. मुख्तार अन्सारी यांचा हृदयविकाराच्या झटक्याने मृत्यू झाल्याचे सांगण्यात येत आहे.

बांदा कारागृहात असलेल्या मुख्तार अन्सारीची प्रकृती आज अचानक बिघडली. यावर त्यांना दुर्गावती वैद्यकीय महाविद्यालयात दाखल केले असता उपचारादरम्यान त्यांचा मृत्यू झाला. त्यांच्या मृत्यूनंतर रुग्णालयाबाहेर पोलिस बंदोबस्त वाढवण्यात आला होता. मऊ, बांदा आणि गाझीपूरमध्ये कलम 144 लागू करण्यात आले आहे.

मुख्तार अन्सारी बॅरेकमध्ये बेशुद्ध पडल्याचे सांगण्यात येत आहे. यावर तुरुंगात एका डॉक्टरला बोलावण्यात आले, त्यांच्यासमोर मुख्तार अन्सारीने उलट्या केल्या. यानंतर त्यांची प्रकृती सतत खालावत गेली. यावर तुरुंग प्रशासनाने त्यांना रुग्णालयात दाखल केले. प्राथमिक तपासात त्यांचा मृत्यू हृदयविकाराच्या झटक्याने झाल्याचे डॉक्टरांचे म्हणणे आहे.