केवळ भारतच नाही तर ‘हे’ 5 देश 15 ऑगस्टला स्वतंत्र झाले, तुम्हाला किती देशांबद्धल माहिती आहे?

भारत स्वातंत्र्याचा अमृतोत्सव साजरा करत आहे. 15 ऑगस्ट 1947 रोजी देश स्वतंत्र झाला आणि आपल्याला स्वातंत्र्य मिळून 75 वर्षे झाली. यंदा देशभरात प्रत्येक घरात तिरंगा मोहीम सुरू आहे. घर आणि कार्यालयापासून वाहने, संस्था, प्रतिष्ठानांपर्यंत तिरंगा फडकवला जात आहे. 15 ऑगस्टला राष्ट्रीय ध्वजही उत्सवी वातावरणात फडकवण्यात येणार आहे. शेजारी देश पाकिस्तान 14 ऑगस्ट रोजी स्वातंत्र्य साजरा करतो, परंतु असे 5 देश आहेत जे आपल्यासोबत स्वातंत्र्य साजरा करतात म्हणजे 15 ऑगस्टला.

बहरैन या आखाती देशालाही 15 ऑगस्ट रोजी स्वातंत्र्य मिळाले. हा देशही ब्रिटिश वसाहतवादाचा एक भाग होता. बहरैनला 1971 मध्ये स्वातंत्र्य मिळाले. तथापि, 1960 पासून, बहरीनमधून ब्रिटीश सैन्याची माघार सुरू झाली. 15 ऑगस्ट रोजी दोन्ही देशांदरम्यान एक करार झाला, त्यानंतर बहरैनने स्वतंत्र देश म्हणून ब्रिटनशी आपले संबंध कायम ठेवले. तथापि, बहरैन आपली राष्ट्रीय सुट्टी 16 डिसेंबर रोजी साजरी करते, ज्या दिवशी इसा बिन सलमान अल खलिफा बहरीनच्या सिंहासनावर आरूढ झाला.

लिकटेंस्टाईन हा देश जगातील सर्वात लहान देशांपैकी एक आहे. हा देशही 15 ऑगस्ट 1866 रोजी जर्मनीपासून स्वतंत्र झाला. 1940 पासून येथे 15 ऑगस्ट रोजी स्वातंत्र्य दिन साजरा केला जातो.

काँगो हा आफ्रिकन देशही 15 ऑगस्टला स्वतंत्र झाला. 1960 मध्ये हा देश फ्रान्सच्या राजवटीपासून स्वतंत्र झाला आणि नंतर काँगो प्रजासत्ताक बनला. 1880 पासून काँगो फ्रान्सच्या ताब्यात होता. तेव्हा या देशाला फ्रेंच काँगो म्हटले गेले, तर 1903 नंतर त्याला मध्य काँगो म्हटले गेले.

दक्षिण कोरिया देखील 15 ऑगस्ट रोजी स्वातंत्र्य दिन साजरा करतो. 15 ऑगस्ट 1945 रोजी दक्षिण कोरियाला जपानपासून स्वातंत्र्य मिळाले. अमेरिका आणि सोव्हिएत सैन्याने कोरियाला जपानी ताब्यापासून मुक्त केले. दक्षिण कोरियामध्ये 15 ऑगस्ट रोजी राष्ट्रीय सुट्टी देखील आहे.

दक्षिण कोरियाप्रमाणेच उत्तर कोरियाही 15 ऑगस्टला स्वतंत्र झाला. दोन्ही देश 1945 मध्ये जपानच्या ताब्याचा स्वातंत्र्य दिन साजरा करतात. 15 ऑगस्ट 1945 रोजी दोन्ही देश जपानच्या ताब्यातून मुक्त झाले. उत्तर कोरिया 15 ऑगस्ट हा राष्ट्रीय सुट्टी म्हणून साजरा करतो.