2023 सालच्या नोबेल पुरस्कारांची घोषणा सोमवारपासून सुरू झाली आहे. सोमवारी, 2 ऑक्टोबर 2023 रोजी फिजिओलॉजी किंवा मेडिसिन क्षेत्रातील दोन डॉक्टरांना हा पुरस्कार प्रदान करण्यात आला आहे. वैद्यक क्षेत्रातील कॅटालिन कॅरिको आणि ड्र्यू वेलमन यांना हा सन्मान देऊन गौरविण्यात आले आहे. न्यूक्लिओसाइड बेस मॉडिफिकेशनशी संबंधित शोधासाठी त्यांना हा पुरस्कार देण्यात आला आहे. कोविड लसीच्या विकासामध्ये दोन्ही शास्त्रज्ञांच्या शोधांनी महत्त्वाची भूमिका बजावली. साथीच्या रोगाला रोखण्यासाठी त्यांनी केलेल्या संशोधनातील महत्त्वपूर्ण योगदान लक्षात घेऊन हा पुरस्कार देण्यात आला आहे. नोबेल समितीचे सचिव थॉमस पर्लमन यांनी कोरलिंस्का इन्स्टिट्यूटमध्ये याची घोषणा केली.
कोरोना विषाणूची लस तयार करण्यात त्यांचा महत्त्वाचा वाटा आहे. त्यांच्या शोधामुळे कोविड-19 विरुद्ध प्रभावी mRNA लस विकसित करण्यात मदत झाली आहे. पुरस्काराची घोषणा करताना नोबेल समितीचे सचिव थॉमस पर्लमन म्हणाले की, या दोन वैज्ञानिक डॉक्टरांच्या संशोधनामुळे संपूर्ण जगाला महामारीच्या कहरातून बाहेर येण्यास मदत झाली आहे. त्यांचे संशोधन कार्य केवळ वैद्यकीय क्षेत्रातच नव्हे तर जागतिक मानवतेच्या कल्याणासाठी महत्त्वाचे आहे.
BREAKING NEWS
The 2023 #NobelPrize in Physiology or Medicine has been awarded to Katalin Karikó and Drew Weissman for their discoveries concerning nucleoside base modifications that enabled the development of effective mRNA vaccines against COVID-19. pic.twitter.com/Y62uJDlNMj— The Nobel Prize (@NobelPrize) October 2, 2023
नोबेल पारितोषिक विजेत्यांना 10 डिसेंबर रोजी गौरविण्यात येणार आहे
10 डिसेंबर रोजी स्टॉकहोम येथे औपचारिक समारंभात या जोडीला किंग कार्ल XVI गुस्ताफ यांच्याकडून त्यांचा पुरस्कार मिळेल. दरवर्षी नोबेल विजेत्यांना स्टॉकहोममध्ये एका भव्य कार्यक्रमात हा सन्मान दिला जातो. सन्मान म्हणून, विजेत्यांना डिप्लोमा, सुवर्णपदक आणि $1 दशलक्षचा धनादेश दिला जाईल. आल्फ्रेड नोबेल यांच्या मृत्यूनंतर त्यांची संपत्ती ट्रस्टमध्ये रूपांतरित करण्यात आली आणि त्यातून नोबेल पारितोषिकाची स्थापना करण्यात आली.