राज्याच्या हिवाळी अधिवेशनात विरोधी पक्षनेते अजित पवार यांनी छत्रपती संभाजी महाराज धर्मवीर नव्हते तर स्वराज्यरक्षक होते, असं विधान केलं होतं त्यांच्या या विधानामुळे राज्यातील वातावरण सध्या चांगलचं तापलं आहे. अजित पवार यांच्या विधानावरुन भाजपसह (BJP) शिंदे गटही आक्रमक झाला आहे. अजित पवार यांच्या बचावासाठी जितेंद्र आव्हाड पुढे आल्यानंतर भाजप आमदार नितेश राणे यांनी राष्ट्रवादीचे अध्यक्ष शरद पवार यांच्यावर निशाण साधला होता. यावर प्रत्युत्तर देताना अजित पवार यांनी नितेश राणे यांचा ‘टिल्ल्या’ असा उल्लेख केला आहे. यावरुन नितेश राणे यांनी अजित पवारांवर निशाण साधला आहे.
नितेश राणे यांनी एक व्हिडिओ पोस्ट करत अजित पवरांवर निशाणा साधला आहे. अजित पवार मला टिल्लू म्हणाले मी पण त्यांना “मु*** असं बोलू शकतो, पण आमचे ते संस्कार नाहीत. याच नितेश राणेंनी गेल्यावर्षी जिल्हा बँक निवडणुकीत अजित पवारांचा घाम काढला.. असं नितेश राणे म्हणाले आहेत.