मुंबई – राज्यातील राजकारणात मागील काही दिवसांपासून नाट्यमय घडामोडी घडत आहेत (Maharashtra Political Updates). यादरम्यान ठाकरे सरकार कोसळून राज्यात शिंदे-फडणवीस सरकार (New Government in Maharashtra)आलेलं आहे. तर, विरोधी पक्षनेते म्हणून अजित पवार यांची निवड करण्यात आली आहे. यासाठी आभार मानण्यासाठी उभा असलेल्या अजित पवार (Ajit Pawar) यांनी भाजप आणि शिवसेनेच्या बंडखोर आमदारांवर सडकून टीकाही केली.
आपल्या भाषणादरम्यान अजित पवार यांनी विद्यमान केंद्रीय मंत्री नारायण राणेंचाही उल्लेख केला. याचाच व्हिडिओ निलेश राणे (Nilesh Rane) यांनी शेअर केला आहे.
आम्हाला दुसरं काही नको आमच्या माणसाला मानसन्मान दिलात, बदल्यात तुमच्या पाया पण पडू 🙏🏻 pic.twitter.com/S4igWsDbd6
— Nilesh N Rane (@meNeeleshNRane) July 4, 2022
भाजप नेते निलेश राणे यांनी हा व्हिडिओ शेअर करत अजित पवारांच्या पाया पडायलाही तयार असल्याचं म्हटलं आहे. अजित पवार या व्हिडिओमध्ये म्हणताना दिसतात की ‘राणेंच्या वेळेस दरारा असायचा. त्यांनी नुसतं मागे वळून पहिलं की शिवसेनेचे सगळे चिडीचूप व्हायचे. सगळे खाली बसायचे. असला दरारा मी शिवसेनेत आजपर्यंत दुसऱ्या कुणाचा बघितला नाही. मात्र राणेंनी हा दबदबा स्वत: निर्माण केलेला होता’. यावर सहमती दर्शवत उपमुख्यमंत्री देवेंद्र फडणवीसही मान हलवून होकार देताना दिसले.
अजित पवार यांचा हाच व्हिडिओ निलेश राणेंनी शेअऱ केला आहे. व्हिडिओला कॅप्शन देत त्यांनी लिहिलं की’ आम्हाला दुसरं काही नको. आमच्या माणसाला मानसन्मान दिलात, बदल्यात तुमच्या पाया पण पडू’. यासोबतच त्यांनी हात जोडणारा इमोजीही पोस्ट केला आहे. निलेश ऱाणेंनी अजित पवारांचे अप्रत्यक्षरित्या आभार मानले आहेत.