जॅकलिन फर्नांडिस, नोरा फतेहीनंतर मनी लाँड्रिंग प्रकरणात आता निक्की तांबोळीचे नाव, झाला मोठा खुलासा
Sukesh Chandrashekhar Money Laundering Case: चंद्रशेखर सुकेशच्या मनी लॉन्ड्रिंग प्रकरणात आता टीव्ही अभिनेत्री निक्की तांबोळी आणि चाहत खन्ना यांची नावे समोर आली आहेत. अंमलबजावणी संचालनालयाने दाखल केलेल्या आरोपपत्रानुसार, निक्कीला 3.5 लाख रुपये रोख देण्यात आले होते. याप्रकरणी नोरा फतेही गुरुवारी आर्थिक गुन्हे शाखेसमोर हजर झाली होती. ताज्या मीडिया रिपोर्टनुसार, निक्की तांबोळी, चाहत खान, सोफिया सिंग आणि आरुषा पाटील यांनी सुकेश तुरुंगात असताना त्याची भेट घेतली होती. हे सर्वजण सुकेशची सहकारी पिंकी इराणी यांच्यामार्फत तिहार तुरुंगात त्याला भेटण्यासाठी गेले होते.
एप्रिल 2018 मध्ये झालेल्या पहिल्या भेटीत आरोपी पिंकी इराणी हिने चंद्रशेखर सुकेशकडून 10 लाख रुपये घेतले होते, त्यापैकी 1.5 लाख रुपये त्याने निक्कीला दिले होते. दोन-तीन आठवड्यांनंतर झालेल्या दुसऱ्या भेटीत, निक्की एकटीच सुकेशला भेटायला गेली जिथे तिला 2 लाख रुपये दिले. ईडीने आपल्या आरोपपत्रात हा खुलासा केला आहे.
या प्रकरणी नोरा आणि जॅकलिन फर्नांडिस यांची यापूर्वीच चौकशी करण्यात आली आहे. ईडीच्या म्हणण्यानुसार, नोरा आणि जॅकलिन या दोघांना सुकेशकडून महागडी वाहने आणि भेटवस्तू मिळाल्या आहेत. बेंगळुरू (कर्नाटक) येथील रहिवासी असलेला सुकेश सध्या दिल्लीच्या तुरुंगात आहे आणि त्याच्यावर आणखी 10 गुन्हे दाखल आहेत. त्याच्यावर 200 कोटींचा खंडणीचा गुन्हाही दाखल असून त्यात त्याला रोहिणी कारागृहात ठेवण्यात आले होते. रॅनबॅक्सीचे माजी मालक शिविंदर सिंग यांच्या पत्नीला फसवण्याचा प्रयत्न केला, जो सध्या तुरुंगात आहे, आपण केंद्रीय कायदा मंत्रालय आणि पंतप्रधान कार्यालयाचे अधिकारी आहोत आणि आपल्या पतीला तुरुंगातून बाहेर काढू शकतो असे सांगून त्याने फसवणूक करण्याचा प्रयत्न केला.