कतारमध्ये सुरू असलेल्या फिफा विश्वचषकात मैदानावर जबरदस्त भांडण पाहायला मिळाले. नेदरलँड्स-अर्जेंटिना यांच्यातील सामना सुरू असताना दोन्ही संघांचे खेळाडू भिडले. एकमेकांत जोरदार हाणामारी झाली. त्याचवेळी नेदरलँडच्या बेंचवर बसलेले खेळाडूही मैदानात उतरले. फिफा विश्वचषकाच्या दुसऱ्या उपांत्यपूर्व फेरीत अर्जेंटिनाने नेदरलँड्सचा पेनल्टी शूटआऊटमध्ये पराभव केला. यासह त्याने उपांत्य फेरीतील आपले स्थान पक्के केले. आता अर्जेंटिनाचा सामना 13 डिसेंबरला उपांत्य फेरीत क्रोएशियाशी होणार आहे. अर्जेंटिनाने पेनल्टी शूटआऊटमध्ये नेदरलँड्सचा 4-3 असा पराभव केला.