भारताचा स्टार भालाफेकपटू नीरज चोप्रा याने नवीन हंगामाची शानदार सुरुवात केली आहे. दोहा डायमंड लीगमध्ये चांगली कामगिरी करत त्याने विजेतेपदावर कब्जा केला आहे. स्पोर्ट्स क्लबमध्ये झालेल्या या स्पर्धेच्या पहिल्याच प्रयत्नात त्याने 88.67 मीटर अंतरावर भालाफेक करून सर्वांना चकित केले. या सामन्यात त्याने दुसऱ्या प्रयत्नात 86.04 मीटर, तिसऱ्या प्रयत्नात 85.47 मीटर, पाचव्या प्रयत्नात 84.37 मीटर आणि सहाव्या प्रयत्नात 86.52 मीटर भालाफेक केली.
झेक प्रजासत्ताकच्या जेकोब वडलेचने 88.63 मीटर फेक करून दुसरे स्थान पटकावले, तर ग्रेनेडाच्या अँडरसन पीटर्सने 85.88 मीटर फेक करून तिसरे स्थान पटकावले.
India’s javelin ace Neeraj Chopra finishes 1st in Diamond League 2023 in Doha with a throw of 88.67 metres
(File Pic) pic.twitter.com/ZjhUJAKWH9
— ANI (@ANI) May 5, 2023
नीरजची वैयक्तिक सर्वोत्तम कामगिरी 89.94 मीटर आहे जी एक राष्ट्रीय विक्रम देखील आहे. 2018 मध्ये दोहा डायमंड लीगमधील त्याच्या एकमेव सहभागामध्ये 2018 मध्ये 87.43m सह चौथे स्थान मिळवले. ‘एकूण फिटनेस आणि ताकद’ नसल्यामुळे नीरजला गेल्या वर्षी येथे सहभागी होता आले नव्हते.