मुंबई – राज्याचे अल्पसंख्याक मंत्री व राष्ट्रवादी काँग्रेसचे प्रवक्ते नवाब मलिक यांच्या न्यायलयीन कोठडीमध्ये पुन्हा वाढ करण्यात आली आहे. आज झालेल्या सुनावणीनंतर न्यायलयाने त्यांना २० मे पर्यंत कोठडीत ठेवण्याचे आदेश दिले आहेत.
यापूर्वी नवाब मलिक यांना ३ मार्चपर्यंत ईडीची कोठडी सुनावण्यात आली होती. नवाब मलिक यांना अटक केल्यानंतर ईडीने त्यांना विशेष न्यायालयामध्ये हजर केलं होतं. ईडीकडून नवाब मलिक यांच्या १४ दिवसांच्या कोठडीची मागणी करण्यात आली होती. मात्र, न्यायालयाने आठ दिवसांचीच कोठडी मंजूर केली होती. आता त्यांच्या कोठडीमध्ये पुन्हा वाढ करण्यात आली आहे.
नेमकं प्रकरण काय?
दाऊद इब्राहिमशी संबंधित मनी लाँड्रिंग प्रकरणामध्ये राष्ट्रवादीचे नेते नवाब मलिक यांना ईडीकडून अटक करण्यात आली आहे. याप्रकरणी ईडीने त्यांच्याविरोधात विविध कलमांनुसार गुन्हा दाखल केला आहे. ईडीने नवाब मलिकांच्या विरोधात ५ हजार पानांचे आरोपपत्र दाखल केले आहे.