क्रांतीज्योत महिला प्रतिष्ठान युवा कबड्डी सिरीज – आंतर जिल्हा युवा लीग २०२३ स्पर्धेच्या दुसऱ्या सामन्यांत मुंबई उपनगर मुर्थाल मॅग्नेट्स संघाने ७०-२१ अश्या मोठ्या फरकाने लातूर विजयनगारा विर्स संघावर विजय मिळवला.
मध्यंतरापर्यत ३५-०७ अशी भक्कम आघाडी मुंबई उनगर मुर्थाल मॅग्नेट्स कडे होती. संपूर्ण सामन्यांत लातूर विजयनगारा विर्स संघावर ५ वेळा लोनची नामुष्की आली. मुंबई उपनगर संघाच्या चढाईपटूंनी संपूर्ण सामन्यांत ४७ गुण मिळवत विजय सोपा केला.
मुंबई उपनगर कडून आकाश रूडलेने चढाईत १४ गुण मिळवले त्याला भारत खारगुटकर ने ८ गुण तर रजत सिंगने ७ गुण मिळवत चांगली साथ दिली. तर बचावफळीत अलंकार पाटीलने ६ पकडी व विघ्नेश पाटीलने ३ पकडी केल्या. लातूर संघाकडून प्रदीप अकनगिरे व सोहेल खान यांनी प्रत्येकी ७-७ चढाईत गुण मिळवले.
● बेस्ट रेडर – आकाश रूडले, मुंबई उपनगर मुर्थाल मॅग्नेट्स
● बेस्ट डिफेंडर – अलंकार पाटील, मुंबई उपनगर मुर्थाल मॅग्नेट्स
● कबड्डी का कमाल – भारत खारगुटकर