मुंबई उपनगर मुर्थाल मॅग्नेट्स संघाने पाचवा विजय मिळवत ग्रुप अ मध्ये आपला दुसरा स्थान निश्चित केलं. सामन्याची सुरुवातीला मात्र सांगली सिंध सोनिक्स संघाने आक्रमक खेळ करत मुंबई उपनगर संघावर लोन पडला. पण काही वेळातच आकाश रुडेले ने चपळ चढाया करत मुंबई उपनगर संघाला सामन्यात आणलं.
मध्यंतर होण्यापूर्वी सांगली वर लोन पडत मुंबई उपनगर संघाने 19-15 अशी आघाडी घेतली होती. अलंकार पाटील व रोहित सिंग यांनी चांगल्या पकडी केल्या तर रजत सिंग ने आकाश रुडेले ला चांगली साथ दिली.
मुंबई उपनगर मुर्थाल मॅग्नेट्स संघाने 45-28 असा सांगली सिंध सोनिक्स संघावर विजय मिळवत स्पर्धेतील पाचवा विजय संपादन केला. आकाश रुडेले ने सुपर टेन पूर्ण करत 12 गुण मिळवले. रजत सिंग ने चढाईत 7 गुण मिळवले. तर रोहित सिंग ने 6 पकडी व अलंकार पाटील ने 5 पकडी करत हाय फाय केला. सांगली कडून तुषार खडके ने 9 गुण मिळवले.
बेस्ट रेडर- आकाश रुडेले, मुंबई उपनगर मुर्थाल मॅग्नेट्स
बेस्ट डिफेंडर- रोहित सिंग, मुंबई उपनगर मुर्थाल मॅग्नेट्स
कबड्डी का कमाल- तुषार खडगे, सांगली सिंध सोनिक्स