Mumbai Indians: मुंबई इंडियन्सला बसला मोठा धक्का, रोहित शर्माची चिंता वाढली

खेळविश्व
By Team Inside Marathi
WhatsApp Group

Mumbai Indians: आयपीएल 2024 सुरू होण्याआधी मुंबई इंडियन्स संघात मोठा बदल झाला आहे. एक अनुभवी खेळाडू अचानक संघापासून दुरावला आहे. हा दिग्गज 2015 साली मुंबई इंडियन्स संघात सामील झाला आणि 9 वर्षात संघाला 4 वेळा चॅम्पियन बनवण्यात महत्त्वाची भूमिका बजावली. मुंबई इंडियन्सने सोशल मीडियावर पोस्ट शेअर करून चाहत्यांना हे मोठे अपडेट दिले आहे.

हा दिग्गज मुंबई इंडियन्स संघापासून वेगळा झाला

इंडियन प्रीमियर लीगमधील मुंबई इंडियन्सचे गोलंदाजी प्रशिक्षक आणि आंतरराष्ट्रीय लीग टी-20 संघ एमआय एमिरेट्सचे प्रमुख म्हणून शेन बाँडचा यशस्वी कार्यकाळ संपुष्टात आला आहे. आपल्या पिढीतील महान गोलंदाजांपैकी एक असलेल्या शेन बाँडने 9 वर्षांनंतर मुंबई इंडियन्सपासून वेगळे होण्याचा निर्णय घेतला आहे. मुंबई इंडियन्सने एका निवेदनात म्हटले आहे की, 2015 मध्ये सुरू झालेला शेन बाँडचा यशस्वी कार्यकाळ संघासोबत 9 वर्षांनंतर संपला आहे, ज्यामध्ये मुंबई इंडियन्सचे गोलंदाजी प्रशिक्षक आणि एमआय एमिरेट्सचे मुख्य प्रशिक्षक म्हणून 4 आयपीएल ट्रॉफींचा समावेश होता.

हेही वाचा – Rohit Sharma: विश्वचषक 2023 दरम्यान रोहित शर्माने घेतला मोठा निर्णय

शेन बाँड म्हणाला की, गेल्या नऊ सीझनमध्ये मुंबई इंडियन्सचा भाग होण्याची संधी दिल्याबद्दल मी अंबानी कुटुंबाचे आभार मानू इच्छितो. मैदानावर आणि मैदानाबाहेर अनेक छान आठवणी असलेला हा एक अविश्वसनीय अनुभव आहे. मी खूप भाग्यवान आहे की मला खेळाडू आणि कर्मचारी अशा अनेक महान लोकांसोबत काम करण्याची आणि मजबूत संबंध निर्माण करण्याची संधी मिळाली. मी त्या सर्वांना मिस करेन आणि भविष्यासाठी त्यांना शुभेच्छा देतो. शेवटी त्यांच्या पाठिंब्याबद्दल MI पलटण यांचेही आभार.

हेही वाचा – दुसऱ्या मुलाच्या जन्मानंतर अनुष्का शर्मा सोडणार चित्रपटसृष्टी? अभिनेत्रीचा व्हिडिओ झाला व्हायरल