आयपीएल 2023 च्या 54 व्या सामन्यात आज मुंबई इंडियन्स संघ रॉयल चॅलेंजर्स बंगळुरूसमोर होता. या सामन्यात मुंबई संघाने आरसीबीचा 6 गडी राखून पराभव केला आहे. या सामन्यात प्रथम फलंदाजी करताना RCB संघाने 199 धावा केल्या. प्रत्युत्तरात मुंबई संघाने अवघ्या 16.3 षटकांत हे लक्ष्य पार केले.
200 धावांच्या लक्ष्याचा पाठलाग करताना इशान किशनने (41) मुंबईला दमदार सुरुवात करून दिली. आणि त्याला साथ देणारा रोहित शर्मा (7) पुन्हा एकदा अपयशी ठरला. मात्र यानंतर सूर्यकुमार यादव आणि नेहल वढेरा यांनी आरसीबीच्या गोलंदाजांची जोरदार फटकेबाजी केली. सूर्याने 35 चेंडूत 83 धावा ठोकल्या. यादरम्यान त्याने 7 चौकार आणि 6 षटकार मारले. आणि नेहलने 34 चेंडूत नाबाद 52 धावा केल्या. या खेळीत त्याने 3 चौकार आणि 4 षटकार मारले.
WHAT. A. WIN! 👌 👌
A clinical chase from @mipaltan to beat #RCB & bag 2⃣ more points! 👏 👏
Scorecard ▶️ https://t.co/ooQkYwbrnL#TATAIPL | #MIvRCB pic.twitter.com/dmt8aegakV
— IndianPremierLeague (@IPL) May 9, 2023
या सामन्यात प्रथम फलंदाजी करताना RCB संघाने 6 गडी गमावून 199 धावा केल्या. या सामन्यात आरसीबीची सुरुवात चांगली झाली नाही आणि संघाचा स्टार फलंदाज विराट कोहली 1 धावा करून बाद झाला. आरसीबीच्या अडचणी इथेच संपल्या नाहीत, त्यानंतर तिसऱ्या षटकात अनुज रावत (6) बाद झाला. यानंतर कर्णधार फाफ डू प्लेसिस (65) आणि ग्लेन मॅक्सवेल (68) यांनी आरसीबीचा डाव पुढे नेला. येथून दिनेश कार्तिकने 30 धावा करत आरसीबीला 200 पर्यंत नेले.
दोन्ही संघ
रॉयल चॅलेंजर्स बंगळुरू: विराट कोहली, फाफ डू प्लेसिस (कर्णधार), अनुज रावत, ग्लेन मॅक्सवेल, महिपाल लोमरोर, दिनेश कार्तिक (विकेटकीपर), वानिंदू हसरंगा, हर्षल पटेल, विजयकुमार वैशाक, मोहम्मद सिराज, जोश हेजलवूड
मुंबई इंडियन्स : रोहित शर्मा (कर्णधार), इशान किशन (विकेटकीपर), कॅमेरॉन ग्रीन, सूर्यकुमार यादव, टीम डेव्हिड, नेहल वढेरा, ख्रिस जॉर्डन, पियुष चावला, आकाश मधवाल, कुमार कार्तिकेय, जेसन बेहरेनडॉर्फ