आज (शनिवारी) दिल्ली कॅपिटल्स आणि मुंबई इंडियन्स आमनेसामने होते. दिल्लीला विजय मिळवून प्लेऑफ संघांच्या यादीत स्थान मिळवायचे होते, परंतु तसे होऊ शकले नाही. मुंबईच्या विजयामुळे आरसीबी प्लेऑफसाठी पात्र ठरली आहे.सामन्यात रोहित शर्माने नाणेफेक जिंकून प्रथम गोलंदाजी करण्याचा निर्णय घेतला होता. प्रथम फलंदाजी करताना दिल्ली कॅपिटल्सने मुंबई इंडियन्ससमोर विजयासाठी 160 धावांचे लक्ष्य ठेवले होते. मुंबईने शेवटच्या षटकात या लक्ष्याचा पाठलाग केला.
डेव्हिड वॉर्नर आणि पृथ्वी शॉ यांनी दिल्ली कॅपिटल्ससाठी डावाची सुरुवात केली, दोघांनीही सुरुवातीला सावध फलंदाजी केली. दिल्लीला पहिला धक्का खूप लवकर बसला, डेव्हिड वॉर्नर अवघ्या 5 धावा करून बाद झाला. यानंतर तिसऱ्या क्रमांकावर आलेल्या मिचेल मार्शला खातेही उघडता आले नाही, तो जसप्रीत बुमराहच्या गोलंदाजीवर झेलबाद झाला.
पृथ्वी शॉ आणि सर्फराज खान 10 धावा करून पॅव्हेलियनमध्ये परतले. दिल्लीने 50 धावांवर आपल्या चार मोठ्या फलंदाजांच्या विकेट्स गमावल्या होत्या. त्यानंतर कर्णधार ऋषभ पंत आणि रोव्हमन पॉवेल यांनी डावाची धुरा सांभाळली आणि धावांचा वेग वाढवला. दोघांनी सुरुवातीच्या धक्क्यातून संघाला वाचवले आणि पाचव्या विकेटसाठी 75 धावांची भागीदारी केली.
जीत की खुशी! ????????#OneFamily #दिलखोलके #MumbaiIndians #MIvDC #TATAIPLpic.twitter.com/8qFLgOYVi9
— Mumbai Indians (@mipaltan) May 21, 2022
ऋषभ पंत 16व्या षटकाच्या शेवटच्या चेंडूवर 39 धावा काढून बाद झाला. रमणदीप सिंगकडून बाहेर जाणारा हा चेंडू पंतच्या बॅटच्या किंचित काठाला लागला, जो थेट यष्टीरक्षक इशान किशनच्या हातात गेला.
यानंतर रोव्हमन पॉवेलनेही अर्धशतक झळकावत 43 धावा केल्या आणि बुमराहचा बळी ठरला. जसप्रीत बुमराहने 19 षटकांच्या दुसऱ्या चेंडूवर पॉवेलला बोल्ड केले. यानंतर शार्दुल ठाकूर 4 धावा करून रमनदीप सिंगच्या चेंडूवर बाद झाला. अक्षर पटेलनेही अखेरच्या षटकात शानदार फलंदाजी करत महत्त्वाच्या धावा जोडल्या. त्याने अवघ्या 10 चेंडूत 19 धावा केल्या. प्रथम फलंदाजी करताना दिल्ली कॅपिटल्सने मुंबई इंडियन्ससमोर विजयासाठी 160 धावांचे लक्ष्य ठेवले होते.
मुंबईकडून फलंदाजी करताना कर्णधार रोहित शर्मा आणि इशान किशनने डावाची सुरुवात केली. या सामन्यात रोहित शर्मा पुन्हा एकदा अपयशी ठरला, तो 13 चेंडूत 2 धावा काढून बाद झाला. एनरिक नॉर्खियाने रोहित शर्माला झेलबाद केले.
त्यानंतर इशान किशन आणि डेव्हाल्ड ब्रेविसने डाव सांभाळला, पण धावांचा वेग रोखण्यात दिल्लीच्या गोलंदाजांना यश आले. इशान आणि देवाल्ड यांनी दुसऱ्या विकेटसाठी 37 चेंडूत 51 धावांची भागीदारी केली. इशान किशन 48 धावा करत बाद झाला. किशनला कुलदीप यादवने झेलबाद केले.
यानंतर डेवाल्ड ब्रेव्हिसने डाव पुढे नेला, त्याने 33 चेंडूत 37 धावा केल्या. शून्यावर जीवदान मिळाल्यानंतर टीम डेव्हिडने महत्त्वाची खेळी खेळली आणि मुंबईला विजयापर्यंत नेले. डेव्हिडने 11 चेंडूत 34 धावा केल्या, ज्यात त्याने 2 चौकार आणि 4 षटकार मारले. मुंबईने 5 चेंडू राखून दिल्लीने दिलेल्या लक्ष्याचा पाठलाग केला आणि हा सामना 5 गडी राखून जिंकला.