मुंबईतील मालाड परिसरातून एक मोठी बातमी समोर आली आहे. येथील एका बहुमजली इमारतीला भीषण आग लागल्याची माहिती समोर आली आहे. इमारतीच्या तिसऱ्या मजल्यावर आग लागली आहे. आगीची माहिती मिळताच अग्निशमन दलाच्या 4 गाड्या घटनास्थळी दाखल झाल्या आहेत. आगीच्या घटनेचा एक व्हिडिओ समोर आला आहे, ज्यामध्ये एक तरुणी बाल्कनीतून खाली उडी मारून आपला जीव वाचवताना दिसत आहे.
Mumbai Fire: मुंबईतील मालाडमध्ये बहुमजली इमारतीला भीषण आग#mumbai #malad pic.twitter.com/YfK1Y8Zso8
— Inside Marathi (@InsideMarathi) December 3, 2022
अधिकाऱ्यांनी दिलेल्या माहितीनुसार, ज्या इमारतीत आग लागली ती जनकल्याण नगरमधील आहे. आगीचे कारण शोधले जात आहे. बहुमजली इमारतीतील बहुतांश फ्लॅटमध्ये कुटुंबे राहतात. आगीच्या ज्वाळांचे लोट पाहून तेथील लोक घाबरले. तिसर्या मजल्याशिवाय वरच्या मजल्यावरही आग पोहोचली, मात्र लवकरच त्यावर नियंत्रण मिळवण्यात आले. ज्या फ्लॅटमध्ये आग लागली तेथील रहिवासीही पूर्णपणे सुरक्षित आहेत. आगीच्या कारणाचा तपास अधिकारी करत आहेत.