संभोग हा केवळ शारीरिक क्रिया नसून ती एक मानसिक, भावनिक आणि परस्पर विश्वासाची प्रक्रिया असते. मात्र अनेक वेळा पुरुष या अनुभवाकडे “फक्त शारीरिक समाधान” म्हणून पाहतात. यामुळे अनेकदा त्यांच्याकडून एक सामान्य पण गंभीर चूक घडते – पार्टनरच्या भावनांचा, गरजांचा आणि शरीरशास्त्राचा विचार न करणं.
नेमकी चूक कोणती आहे?
बहुतेक पुरुष संभोगादरम्यान आपल्या जोडीदाराच्या सुखाचा, भावनिक सहभागाचा विचार करत नाहीत. ते लवकर स्खलन, थेट प्रवेश, फोरप्ले टाळणं किंवा संवाद न साधणं यासारख्या चुका करत असतात. यामुळे महिलांना शारीरिकदृष्ट्या समाधान न मिळणं, अस्वस्थता वाटणं किंवा लैंगिक नात्याविषयी नकारात्मक भावना निर्माण होणं अशा समस्या उद्भवतात.
पुरुषांकडून होणाऱ्या काही सामान्य चुकांची यादी:
१. फोरप्ले टाळणं किंवा कमी वेळ देणं
महिलांसाठी लैंगिक उत्तेजना निर्माण होण्यासाठी वेळ लागतो. थेट संभोग करण्याऐवजी फोरप्लेला महत्त्व द्या.
२. संवादाचा अभाव
“ती काही म्हणत नाही, म्हणजे सगळं ठीक आहे” हा गैरसमज आहे. संभोगादरम्यान मोकळेपणाने बोलणं गरजेचं आहे.
३. स्वतःच्या समाधानावर लक्ष केंद्रित करणं
अनेक पुरुष लवकर स्खलनानंतर थांबतात, परंतु जोडीदार पूर्ण समाधानी झाली आहे का, याचा विचार करत नाहीत.
४. स्त्रीच्या शरीरशास्त्राबद्दल माहितीचा अभाव
क्लिटोरिससारख्या संवेदनशील भागांबद्दल अज्ञान असल्याने संभोगाचा अनुभव अपूर्ण राहतो.
५. जबाबदारी टाळणं – गर्भनिरोधक न वापरणं
कंडोमचा वापर न करणं, किंवा जबाबदारी महिला घेईल असा समज धोकादायक ठरतो.
तज्ज्ञांचं मत:
पुण्याचे मानसोपचारतज्ज्ञ डॉ. अमोल साळुंखे सांगतात, “समाज पुरुषांना ‘performer’ म्हणून पाहतो, त्यामुळे संभोगातही पुरुष फक्त कामगिरीकडे लक्ष देतात. पण खरी जबाबदारी म्हणजे दोघांचं समाधान, परस्पर समज आणि सन्मान.”
काय करावं?
-
संभोगाआधी आणि नंतर मोकळेपणाने बोला
-
फोरप्लेला वेळ द्या
-
आपल्या पार्टनरच्या गरजा ओळखा
-
सेक्स हा ‘एकत्र अनुभव’ आहे, ‘स्पर्धा’ नव्हे
-
वेळ लागला तरी सन्मान ठेवा
संभोग म्हणजे दोघांच्या आनंदाची प्रक्रिया. एकतर्फी तृप्ती ही संबंधात दुरावा निर्माण करू शकते. त्यामुळे पुरुषांनीही आपला दृष्टिकोन बदलणं गरजेचं आहे.