कल्याणमधील गौरीपाडा या तलावात शनिवारपासून आतापर्यंत 135 कासव मृत पावले आहेत. मृत कासवांचा आकडा आणखी वाढण्याची शक्यता व्यक्त करण्यात येत आहे.
कल्याणमधील या तलावाचे काही वर्षांपूर्वी सूशोभीकरण करण्यात आले होते. स्थानिक लोक या तलावात मासेमारी देखील करतात. मात्र गेल्या दिवसांपासून या तलावात मोठ्या प्रमाणात कासव मृतावस्थेत आढळून आले आहेत. तेथील स्थानिक राहिवाशांनी महापालिका आणि प्रदूषण मंडळाकडे ही माहिती दिली आहे.
काही मृत कासव तलावाच्या जवळ असलेल्या गवतात आढळून आले आहेत. मासेमारी करताना माशांना खायला टाकण्यात आलेले खाद्य कासवांनी खाल्ले असावे अशी शक्यता व्यक्त केली जात आहे. तर तलावाच्या पाण्यात काहीतरी मिसळले गेले असल्यामुळे पाणी प्रदूषित होऊन कासवांचा मृत्यू झाला असेल अशीही शक्यता व्यक्त केली जात आहे. कासवांच्या मृत्यूचे कारण लवकरच कळेल असं वणविभागाकडून सांगण्यात आले आहे.